بیرلشگن ملت‌لر تشکیلاتی جنسیتی برابرلیک حقیده بیلیش سطحی نی یوقاری ایلتیش و قیزلر حقوقی گه تاکید قیلیش اوچون، ۱۱- اکتبر نی «خلق‌ارا قیز باله کونی» دیب نام‌لگن.
شونده‌ی بیرحالده، بیرلشگن ملت‌لر تشکیلاتی نینگ باش‌کاتبی آنتونیو گوترش، بوگون بیر توییت آرقه‌لی خلق‌ارا قیز باله کونی مناسبتی بیلن، آلتینچی صنف‌دن یوقاری قیز مکتب‌لر نینگ یاپیق قالگنی خصوصیده خواطر بیلدیریب، مکتب‌لر نینگ آچیلینشی نی ایسته‌گن.
او یازگن که: «افغانستان ده قیزلر نینگ مکتب‌دن محروم قالگنلری خصوصیده خواطرده‌مین. بو اوزی قیزلر و مشارکت گه جدی شکلده نیازمند بولگن بیر مملکت گه زیان ییتیشتیریشی ممکن. مذکور کونده، ینه بیر مرته اسلامی امارت‌دن قیزلر نینگ مکتب گه باریشلری اوچون رخصت بیریلیشی نی ایسته‌یمین.»
بیزلرنینگ فیسبوک صحیفه‌میزگه باش اورینگ!
بیرلشگن ملت‌لر تشکیلاتی نینگ باله‌لردن حمایت قیلووچی صندیغی (یونیسف)، برچه‌دن «هر قیز نینگ تعلیم اوچون حقی بار» شعاری بیلن اوشبو کون‌دن نشانلنیشی نی ایسته‌گن.
افغانستان اوچون یونیسف نینگ رابطه‌لر رئیسی سام مورت، آلتینچی صنف‌دن یوقاری قیزلر وضعیتی‌دن خواطر بیلدیریب و سلام‌وطندار بیلن اوتکزگن صحبت‌لریده ایتگن که افغانستان، مکتب گه باریش اوچون قیزلر گه رخصت بیریلمه‌گن ایلک بیر مملکت دیر.
افغانستان اوچون یونیسف نینگ رابطه‌لر رئیسی کوپه‌یتیرگن که، افغانستان ده‌گی قیزلردن حمایت قیلیش بیلن، آلتینچی صنف‌دن یوقاری قیز مکتب‌لر نینگ آچیلیشی خصوصیده سعی و حرکت قیلیشی ممکن.
باشقه بیر تاماندن، عایله‌لردن قطاری اسلامی امارت‌دن آلتینچی صنف‌دن یوقاری قیز اوقووچیلر یوزیگه مکتب‌لر نینگ آچیلیشی نی ایسته‌یدیلر.
مکتب گه باره‌آلمه‌گن قیز نینگ آنه‌سی نازنین، اسلامی امارت‌دن آلتینچی صنف‌دن یوقاری قیز اوقووچیلر یوزیگه مکتب‌لر نینگ آچیلیشی نی ایسته‌گن.
شونده‌ی بیرحالده، خلق‌ارا قیز باله کونی مناسبتی بیلن قیزلردن قطاری نینگ ایتیش‌لریچه، جماعه‌ده قیزلر گه چیکلاوه یره‌تیلیشی کوپهیگن دیر.
افغانستان ده قیزلر وضعیتی خصوصیده سلام‌وطندار بیلن صحبت اوتکزگن نرگس نینگ ایتیشیچه: «بیزلر گه چیکلاو یره‌تیلیشی کوپهیگن و آلتینچی صنف‌دن یوقاری قیز اوقووچیلر مکتب‌دن محروم بولگنلر. ایش محیطی‌ده هم درست بیر شکلده ایش قیله‌آلمه‌یمیز.»
شونینگدیک افغانستان ده قیزلر وضعیتی خصوصیده سلام‌وطندار بیلن صحبت قیلگن سوسن حمیدی نینگ ایتیشیچه: «خلق‌ارا قیز باله کونی‌ده بیلمه‌یمن خوش بوله‌ی می یا-ده ایغله‌ی می؟ قیغو بیلن حاضرگچه قیزلردن کوپ قطاری اساسی حق‌لریدن محروم بولگنلر و بو اوزی عایله‌لر و اهالی نینگ خواطری گه سبب بولگن دیر.»
بیزلرنینگ توییترده هم تعقیب قیلینگ!
شونده‌ی بیرحالده، اسلامی امارت سوزلاوچیسی ذبیح‌الله مجاهد نینگ سلام‌وطندار گه ایتیشیچه، افغانستان ده یاش کیچیک باله‌لر نینگ تورموش گه چقیریش خصوصیده‌گی گزارش‌لر نینگ حقیقی یوق و اسلامی امارت، کیچیک یاش‌ده تورموش گه چقیریش نینگ صفر گه ییتیشتیریلیشی اوچون سعی و حرکت قیله‌دی.
ایتیش کیره‌ک که، اسلامی امارت رهبری هبت‌الله آخوندزاده ۳۴ ولایت نینگ استخبارات رئیس‌لری بیلن اوچره‌شگنیده، عیال‌لر حقوقی اوچون اونینگ آلتی ماده‌لیک بویروغی نینگ بوتون‌لی شکلده تطبیق بولیشی خصوصیده دستور بیرگن.
تورموش اورتاغ‌دن مهر آلیش، توی قیلیش اوچون قیز نینگ رضایتی، تورموش اورتاغ‌لری نی قولدن بیرگن عیال‌لر و مجرد عیال‌لر نینگ وضعیت‌لری گه ییتیشیش، اوشبو بویروغ نینگ اونملی مورد‌لریدن دیر.
