اسلامی امارت معارف وزیرلیگی نینگ ایتیشیچه، ینگی تعلیمی ییل‌ده افغانستان بویلب برچه قیزلر گه مکتب باریش اجازه‌سی بیریله‌دی. اوشبو مملکتده ینگی تعلیمی ییل کیله‌سی هفته باشلنه‌دی.
اسلامی امارت معارف وزیرلیگی نینگ سوزلاوچیسی عزیزاحمد رایان پنج‌شنبه کونی رویترز آژانسی بیلن اوتکزگن صحبتیده، مکتب‌لر قیز و اوغیل اوقووچیلر یوزی گه آچیلیشینی ایتگن ایدی.
بیزلرنینگ فیسبوک صحیفه‌میزگه باش اورینگ!
او نینگ اورغولشیچه، قیزلر و اوغیل باله‌لر علیحیده صنف‌لرده تدریس بوله‌دیلر. اسلامی امارت معارف وزیرلیگی نینگ سوزلاوچیسی، ینگی ییل‌ده هیچ بیر مکتب یاپیق قالمسلیگینی تأکید ایتگن، اونگه کوره، بیران مکتب یاپیق قالگن تقدیرده، معارف وزیرلیگی جوابگر دیر.
جناب رایان گه کوره، عیال معلم‌لری آز بولگن مملکت نینگ اوزاق قیشلاق‌لریده، قیزلر گه کیکسه ایرکک معلم‌لر درس بیره‌دی.
بیزلرنینگ توییترده هم تعقیب قیلینگ!
افغانستانده قیزلر نینگ مکتب باریش گه رخصت بیریلیشی، دنیا جماعه‌چیلیگی نینگ خواست‌لریدن بیری دیر.
اسلامی امارت اوتگن میلادی ییل ۱۵ آگست‌ده حاکمیت گه ایریشیدن کیین، افغانستان نینگ اکثر ولایت‌لریده، اورته و لیسه مکتب‌لری قیزلر یوزی گه یاپیلدی.
