Asset 1SWN

عیال حقوقی فعاللری: اسلامی امارت سابق حکومت عیال پولیس‌لرینی ایشگه آلیشی کیره‌ک

Screenshot (1)

اسلامی امارت سوزلاوچیسی ذبیح‌الله مجاهد، اوتگن کون اوز توییتری ده ایچکی ایشلر وزیرلیگی نینگ پولیس تربیه‌لش مرکزی دن ینگی‌لیکده عیال پولیس‌لری فارغ بولیش‌لریدن خبر بیردی.

معلومات‌لر اساسیده، مسلکی تعلیم کورگن مذکور پولیس‌لر، تیزلیک بیلن نظم عامه بولیمیده استخدام بولیش‌لری کوتیله‌دی.

شو بیلن بیرگه، مملکتده عیال حقوقی فعاللری نینگ ایتیشلریچه، سابق مسلکی پولیس‌لر بار ایکن، ینگی تعلیم کورگن پولیس‌لر گه نیاز ایمس دیر.

بیزلرنینگ فیسبوک صحیفه‌میزگه باش اورینگ!

اولر نینگ ایتیشلریچه، اسلامی امارت حاکمیت نی قولگه آلیشیدن کیین، مسلکی تعلیم کورگن و تجربه‌لی مینگلب عیال پولیس‌نی وظیفه‌ دن چیتلنتیریب و اولر حاضر ایریم قیینچیلیکلر بیلن روپه‌ره دیر.

عیال حقوقی فعاللریدن مریم معروف آروین نینگ سلام‌وطندار گه ایتیشیچه، اسلامی امارت سابق عیال پولیس‌‌لرینی وظیفه گه قیتیریش اوچون زمینه یره‌تیشی کیره‌ک.

خانم آروین نینگ ایتیشیچه: «حاضرگی حکومت خوفسیزلیک ارگان‌لری، سابق عیال پولیس‌لری نینگ تجربه‌لریدن فایده‌لنیب و اولر گه عاید فکر_ملاحظه‌لرینی اوزگرتیریش‌لری لازم.»

اونگه کوره، حاضر سابق حکومت ده عیال پولیس‌لری مملکتده تورلی خیل قیینچیلیکلر بیلن روپه‌ره دیر؛ «وظیفه‌ گه قیتیش شرایطی یره‌تیلیب و اولرنی خطر تهدید قیلمه‌گن حالده، وظیفه‌ گه قیتیش‌لری ممکن.»

باشقه تاماندن، عیال حقوقی فعاللریدن بولمیش نرگس سادات، ایچکی ایشلر وزیرلیگیده عیال پولیسی استخدام بولیشیگه ایشانمه‌ی ایتیشیچه، اسلامی امارت عیاللر نی نظام‌لری گه جای بیریشنی ایستمه‌یدیلر.

اونینگ ایتیشیچه: «رسمیت گه تانیلیش و دنیا گه عیال پولیس‌لری بارلیگینی اثباتلش اوچون بو بیر سیاسی اویین دیر.»

عین‌حالده، ایچکی ایشلر وزیرلیگی عیال ایشلاوچیلریدن بیری اسمی سِر قالیش شرطی بیلن سلام‌وطندار گه ایتیشیچه، تخمیناً بیر ییل دن بیری ایش‌سیز و اوزی کبی باشقه عیاللر ایش‌سیزلیک باعث اقتصادی قیینچیلیکلر بیلن روپه‌ره دیر.

بیزلرنینگ توییترده هم تعقیب قیلینگ!

او اسلامی امارت گه خطاب ایتیشیچه: «التماس؛ سابق حکومت مسلکی ایشلاوچیلری نینگ تجربه‌لریدن قوللـه‌نینگ اولر نینگ کوچ-قوتی ضایع بولمسلیگی کیره‌ک؛ چونکه اولر حاضر بیکار مملکت نی اولر گه نیازی بار.»

اسلامی امارت ایچکی ایشلر وزیرلیگی مسئوللری، اوشبو وزیرلیک چوکاتیده عیال پولیس رقمینی بیللی قیلمسه ده؛ بیراق ایچکی ایشلر وزیرلیگی سوزلاوچیسی عبدالنافع تکور نینگ سلام‌وطندار گه ایتیشیچه: «ایچکی ایشلر وزیرلیگیده عیال پولیس‌لری استخدام ایتیلیشی اساسی نیاز دیر. اوشبو وزیرلیک نینگ تورلی اداره‌لریده تجربه‌لی عیال پولیس‌لری موجود دیر؛ بیراق بولر ییترلی ایمس و مسکلی و تجربه‌لی سابق پولیس عیاللرنی استخدام قیلیش مقصدیده سعی و حرکت قیلماقده میز.»

سابق حکومت تامانیدن ترقه‌لگن سونگی معلومات گه بناً، یالغیز ۱۳۹۹_ییل ده، ایچکی ایشلر وزیرلیگیده اوچ مینگ ۵۰۰ عیال قوماندان و پولیس و مدافعه وزیرلیگی چوکاتیده ایکی مینگ ۱۴۱ عیال وظیفه بجرر ایدیلر.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام