اسلامی امارت رسمی‌لری نینگ ایتیش‌لریچه، مملکت‌ده سونگی سوو تاشقین‌لردن زیان کورگنلر گه یاردم بیریش اوچون، ۳۲۲ میلیون دالر گه نیازلری بار.
اسلامی امارت تشقی ایشلر وزیرلیگی بوگون (پنجشنبه، ۱۰-سنبله) سونگی سوو تاشقین‌لرده زیان کورگنلر گه یاردم بیریش اوچون خلق‌ارا یاردم‌لر نی توپلش و دنیا جماعه نینگ توجه‌سی نی جلب قیلیش مقصدی‌ده، خلق‌ارا یاردم بیرووچی تشکیلات‌لر و بیر قطار ایلچی‌خانه‌لر نینگ حضوری بیلن اوشبو وزیرلیک‌ده بیر کنفرانس یولگه قویگنلر.
بیزلرنینگ توییترده هم تعقیب قیلینگ!
تشقی ایشلر وزیرلیگی نینگ تاکید قیلیشیچه، افغانستان ده یوز بیرگن سونگی سوو تاشقین‌لرده زیان کورگنلر گه تیزلیک بیلن یاردم بیریش اوچون، ۳۲۲ میلیون دالر گه نیازلری بار.
کنفرانس گه اشتراک قیلگن یاردم بیرووچی تشکیلات‌لر مسئوللری و مملکت‌لردن قطاری نینگ نماینده‌لری، بیللی بیر همکارلیک خصوصیده سوز بیرمه‌گنلر، بیراق افغانستان یشاوچیلری گه انسان دوستلیک یاردم‌لری نینگ دوامی‌دن ایشانچ بیرگنلر.
مذکور کنفرانس‌ده ارایه بولگن معلومات‌لر اساسیده، سونگی نیچه آی‌ده یوز بیرگن سوو تاشقین و زلزله کبی طبیعی حادثه‌لرده، افغانستان اوچون کمیده ۲ میلیارد خساره ییتیشگن دیر.
اوشبو ییغین‌ده تشقی ایشلر وزیرلیگی سرپرستی امیر‌خان متقی، دنیا‌دن یاردم ایسته‌ش بیلن ایتگن که: «ینگی حکومت برچه امکانیتی بیلن زیان کورگنلر گه یاردم بیریش نی ایسته‌یدی، بیراق امکانیتلر برچه زیان کورگنلر گه ییتیشمه‌یدی. انه شوو سبب، همکار مملکت‌لر، خیریه موسسه‌لر و خیرلی کیشی‌لردن افغانستان یشاوچیلری گه یاردم بیریشلری نی ایسته‌ی‌میز.»
بیزلرنینگ فیسبوک صحیفه‌میزگه باش اورینگ!
شونینگدیک اسلامی امارت سرپرست حکومتی اعلام قیلگن که، حاضر ایسه افغانستان ده ۴۵ مینگ عایله عاجل یاردم‌لر گه نیازی بار.
اسلامی امارت رسمی‌لر نینگ تاکید قیلیش‌لریچه، مملکت‌ده یوز بیرگن سونگی طبیعی حادثه‌‌لر، صحی خذمت‌لر عرضه قیلینه‌دیگن سیستم گه تاثیر قیلیب و ایکینچیلیک بولیم گه کوپینچه زیان ییتیشتیرگن.
یاردم بیرووچی تشکیلات‌لر نماینده‌لری و اروپا، روسیه، چین، ایران، اوزبیکستان، پاکستان، قزاقستان و ترکمنستان ایلچی‌خانه‌لری افغانستان ده سونگی طبیعی حادثه‌لرده زیان کورگنلر گه یوبارگنلری یاردم‌لر گه اشاره قیلیب، همکارلیک‌لری نینگ دوام قیلیشی خصوصیده ایشانچ بیرگنلر.
ینگی آمار اساسیده، افغانستان ده یوز بیرگن سونگی سوو تاشقین‌لر نتیجه‌سیده، ۱۸۲ کیشی هلاک و ۲۵۰ کیشی ایسه یره‌لنگن.
سونگی آی‌لرده، افغانستان ده ۲۲ ولایت سوو تاشقین‌لر نی تجربه قیلگن.
