مملکت نینگ قطار ولایت‌لریده سونگی سوو تاشقین‌لردن زیان کورگن کیشی‌لر، یامان بیر وضعیت گه روپه‌ره بولگنلریدن خبر بیرگنلر. میدان‌وردک، پنجشیر، کنر، لغمان، پروان، لوگر، نورستان، ننگرهار، پکتیا، پکتیکا و غزنی سوو تاشقین‌لر گه شاهد بولگن ولایت‌لردن دیر.
سوو تاشقین‌لردن زیان کورگنلر نینگ ایتیش‌لریچه، یامغیرلر و سوو تاشقین‌لر نینگ یوزبیرگنی اوشبو ولایت یشاوچیلری گه کوپینچه زیان ییتیشتیرگن.
زیان کورگنلردن قطاری نینگ کوپه‌یتیریشیچه، یوز بیرگن سوو تاشقین‌لردن اوچ کون اوتگنی بیلن، بیراق حاضرگچه حکومت و هیچ بیر نهاد تامانیدن یاردم قولگه کیلتیرمه‌گنلر.
بیزلرنینگ فیسبوک صحیفه‌میزگه باش اورینگ!
سوو تاشقین‌لردن زیان کورگن وحید‌الله نینگ ایتیشیچه: «حکومت‌دن یاردم بیریشلری نی ایسته‌یمیز، بیزلر گه بیر حل یول تاپسینلر، یامان بیر وضعیت‌ده قرار تاپگن‌میز. باشقه قیین‌چیلیک‌لریمیز هم بار. اولر نینگ هم حل قیلیشلری کیره‌ک.»
شوننیگدیک سوو تاشقین‌لردن زیان کورگن کیشی‌لردن باشقه بیری خیرالله نینگ سلام‌وطندار گه ایتیشیچه: «یاردم بیرووچی نهاد‌لردن میدان‌وردک اهالیسی گه یاردم بیریب اوشبو اهالی نینگ قولی نی توتیش‌لری نی ایسته‌یمن.»
پنجشیر ولایتی نینگ معلومات و مدنیت ریاست رئیسی نصرالله ملک‌زاده نینگ ایتیشیچه: «یوز بیرگن سوو تاشقین‌لر، پنجشیر نینگ حصه اول و آبشار تومن‌لری گه کوپینچه زیان ییتیشتیرگن. پنجشیر اهالیسی خلق‌ارا نهاد‌لردن اوشبو ایکی تومن‌ده‌گی زیان کورگنلر گه عاجل یاردم بیریشلری نی ایسته‌گن.»
دولت وزیرلیگی مسئوللری سوو تاشقین‌لرده زیان کورگنلر گه یاردم بیریلگنیدن خبر بیرگنلری بیرحالده، سوو تاشقین‌لردن زیان کورگنلر یاردم قولگه کیلتیرمه‌گنلریدن خبر بیرگنلر.
طبیعی حادثه‌لر گه قرشی کوره وزیرلیگی سوزلاوچیسی محمد‌نسیم حقانی نینگ سلام‌وطندار گه ایتیشیچه، سوو تاشقین‌لردن زیان کورگنلر دستلبکی ماده‌لر و باش‌پناه قولگه کیلتیرگنلر.
اونینگ کوپه‌یتیریشیچه: «ریاستیمیز سوو تاشقین‌ده زیان کورگن بوتون اهالی گه دستلبکی ماده‌لر، ییمک و باشقه بیر قطاری نرسه‌لر نی یاردم بیرگنلر. شونینگدیک اولر گه خیمه هم بیرگنلر.»
بیزلرنینگ توییترده هم تعقیب قیلینگ!
شونینگدیک میدان‌وردک طبیعی حادثه‌لر گه قرشی کوره‌ش ریاست رئیسی فیض‌الله جلالی نیگ ایتیشیچه، زیان کورگن عایله‌لردن سروی قیلیش پروسه نی باشله‌گنلر و زیان کورگن عایله‌لر گه عاجل یاردم بیریش اوچون سعی و حرکت قیلماقده‌لر.
گرچند حاضرگچه سوو تاشقین‌لردن زیان کورگنلر رقمی بیللی ایمس، بیراق عاجل وضعیت‌لر نینگ تیکشیرووچی مرکز مسئوللری نینگ ایتیش‌لریچه، ۴۴۵ اویی مکمل یا-ده آزراق بیر شکلده تخریب بولگن دیر. شونینگدیک اوشبو سوو تاشقین‌لر سبب، ۱۰۰ جریب ایکینچیلیک ییر و ۱۰۵ راس چاروا تلف بولگن دیر.
ایتیلیشچه، مذکور سوو تاشقین‌لر نتیجه‌سیده، ۱۸ کیشی هلاک بولگن.
