اوتگن بیر کیچه و کوندوز‌ده میدان‌وردک، ننگرهار، لغمان، نورستان، پنجشیر، پروان، لوگر، کنر، غزنی، خوست، پکتیکا و پکتیا ولایت‌لریده یاغگن یامغیرلر نتیجه‌سیده، اوشبو ولایت‌لر یشاوچیلری سوو تاشقینلر گه شاهد ایکنلر.
طبیعی حادثه‌لر گه قرشی کوره‌ش وزیرلیگی مملکت نینگ اون ولایتی‌ده یوز بیرگن سوو تاشقینلر نی تصدیق‌لب و ایتگن که، حاضرگچه اوشبو وزیرلیک سوو تاشقینلر نتیجه‌سیده ۱۳ کیشی نینگ هلاک بولگنی و ۲۰ کیشی نینگ یره‌لنگنی نی قید ایتگن.
مذکور وزیرلیک سوزلاوچیسی محمد‌نسیم حقانی نینگ سلام‌وطندار گه ایتیشیچه، اوشبو سوو تاشقینلر نتیجه‌سیده قربان بولگنلر رقمی نینگ کوپه‌یشی ممکن.
بیزلرنینگ توییترده هم تعقیب قیلینگ!
شونده‌ی بیرحالده، میدان‌وردک ولایتی نینگ محلی مسئوللری سوو تاشقینلر نتیجه‌سیده، یالغیز اوشبو ولایتده ۱۵ کیشی نینگ قربان بولگنی نی اعلام قیلگن.
میدان‌وردک طبیعی حادثه‌لر گه قرشی کوره‌ش ریاست رئیسی فیض‌الله جلالی نینگ ایتیشیچه، مذکور ولایت نینگ جلریز تومنیده یوز بیرگن سوو تاشقینلر سبب، ۹ کیشی یوقالگن و انه شوو رقم اوشبو ولایت نینگ چک تومنیده ایکی باله و نرخ تومنیده ایسه ۴ باله غرق بولگن دیر.
اونینگ کوپه‌یتیریشیچه، میدان‌وردک‌ده یوز بیرگن سوو تاشقینلر سبب، اونلرچه یشش اوی تخریب و مینگلرچه جریب ایکین‌زار و باغ تخریب بولگن دیر.
شونده‌ی بیرحالده، شونینگدیک غزنی ولایتی محلی مسئوللری نینگ ایتیشلریچه، سوو تاشقینلر سبب بیر مکتب و یشش اویلردن قطاری تخریب بولگن دیر.
غزنی ولایتی نینگ طبیعی حادثه‌لر گه قرشی کوره‌ش ریاست رئیسی فضل‌الدین عمر حقانی سلام‌وطندار بیلن اوتکزگن صحبت‌لریده، مذکور سوو تاشقینلر نتیجه‌سیده ایکینچیلیک ییرلر نینگ تخریب بولگنی نی خبر بیرگن.
عین حالده، یوز بیرگن سوو تاشقینلر کابل-جلال‌آباد و کابل-بامیان قتناو یولی نینگ یاپیلگنی گه سبب بولگن.
دوشنبه کونی سوو تاشقینلر گه شاهد بولگن مسئوللر، مینگلرچه جریب ایکینچیلیک ییر و یشش اویلر نینگ تخریب بولگنی و اهالی گه کوپینچه زیان ییتیشگنیدن خبر بیرگنلر.
بیزلرنینگ فیسبوک صحیفه‌میزگه باش اورینگ!
سونگی سوو تاشقین‌لردن زیان کورگن یشاوچیلر یاردم گه محتاج بولگنلری نی بیلدیریب و شونینگدیک یاردم بیرووچی نهاد‌لر بیلن حکومت نینگ توجه قیلیش‌لری نی ایسته‌گنلر.
غزنی ولایتده سوو تاشقین‌لردن زیان کورگن ذبیح‌الله نینگ سلام‌وطندار گه ایتیشیچه: «سوو تاشقینلر اهالی گه هیچ بیر نرسه قویمه‌دی. اهالی نینگ بوتون زحمت‌لری اورته‌دن کیتدی و اولر گه هیچ بیر نرسه قالمه‌دی.»
شونده‌ی بیرحالده، مملکت‌ده یوز بیرگن طبیعی واقعه‌لر اهالی گه کوپینچه مالی و جانی زیان ییتیشتیرگن، بیراق حاضرگچه حکومت تامانیدن اوشبو واقعه‌لر خساره‌لری نینگ کمه‌یشی اوچون هیچ بیر فایده‌لی ایش صورت تاپمه‌گن.
