اوتگن کیچه‌دن بوگون گه قدر مملکت نینگ شرقی ولایت‌لری جمله‌دن ننگرهار، کنر، لغمان و نورستان ولایت‌لریده یاغگن یامغیرلر و سوو تاشقین‌لر نتیجه‌سیده، اهالی گه کوپینچه مالی و جانی زیان ییتیشگن.
ننگرهار محلی مسئوللری نینگ ایتیش‌لریچه، اوشبو ولایت‌ده یوز بیرگن سوو تاشقین‌لر سبب، کابل-جلال‌آباد قتناو یولی تخریب بولیب و حاضر ایسه اوشبو قتناو یول ترافیک یوزیگه یاپیلگن دیر.
اولر گه کوره، مذکور ولایت‌لرده یوز بیرگن سوو تاشقین‌لر نتیجه‌سیده، ۴ کیشی غرق بولگن که اولردن ۳ ته‌سی نینگ جسدی حاضرگچه تاپیلمه‌گن دیر.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، نورستان ولایتی‌ده یوز بیرگن سوو تاشقین‌لر سبب، بیر عیال شامل اوچ کیشی غرق بولگن و سرک‌لر، یشش اویلر و ایکینچیلیک ییرلردن قطاری گه زیان ییتیشگن.
شونینگدیک مذکور سوو تاشقین‌لر نتیجه‌سیده، جلال‌آباد شهری نینگ ۷-خوفسیزلیک ناحیه‌سیده، بیر برق پایه‌سی تخریب بولیب و جلال‌آباد شهری نینگ برقی کیسیلگن.
بوتوغریده ننگرهار ولایتی نینگ معلومات و مدنیت ریاست سوزلاوچیسی قرشی بدلون نینگ سلام‌وطندار گه ایتیشیچه: «سوو تاشقین‌لر یشاوچیلر گه کوپینچه مالی و جانی زیان ییتیشتیرگن و بولر گه علاوه، اوشبو سوو تاشقین‌لر نتیجه‌سیده، نیچه کیشی هلاک بولگن. شونینگدیک مذکور سوو تاشقین‌لر بتی کوت تومنی گه کوپراق زیان ییتیشتیرگن که بیر کیشی هلاک و یوزلرچه جریب ییر تخریب بولگن.»
گرچند کنر و لغمان ولایت‌لریده یوز بیرگن سوو تاشقین‌لر نتیجه‌سیده جانی زیان ییتیشمه‌گن، بیراق بیر منبع گه کوره، اوشبو سوو تاشقین‌لر نتیجه‌سیده ایکینچیلیک ییرلر و اویلردن قطاری تخریب بولگن دیر.
شرقی مملکت‌لرده زیان کورگنلردن قطاری نیازمند کیشیلر دیر. اولر حکومت و یاردم بیرووچی نهاد‌لردن یاردم بیریلیشی نی ایسته‌یدیلر.
ننگرهار ولایتی‌ده سوو تاشقین‌لردن زیان کورگن مرزالدین نینگ ایتیشیچه: «اویی‌میز نینگ اتاق‌لری خراب بولگن و همه نرسه‌میز نی قولدن بیرگن‌میز. باله‌لریم نی اهالی یاردمی بیلن اویدن چیقردیک.»
ننگرهار ولایتی‌ده زیان کورگنلردن باشقه بیری محمد ایمل نینگ ایتیشیچه: «۱۲ جریب ییریم نی سوو تاشقین‌لر تخریب قیلدی و قیشلاغیمیز‌ده‌گی اویلردن قطاری زیان کورگن. اوییم، ایکی راس سیگیریم و بوتون نرسه‌لریم توپراق آستیده قالدی. سوو تاشقین کوپینچه زیان ییتیشتیردی.»
ایتیش کیره‌ک که، سوو تاشقین‌لر نتیجه‌سیده کابل-جلال‌آباد قتناو یولی نینگ یاپیلگنی اهالی گه کوپینچه زیان ییتیشتیرگن چونکه، اوشبو قتناو یولدن کونده مینگلرچه نقلیه واسطه‌لر اوتیب قیته‌ر ایدی.
بیزلرنینگ توییترده هم تعقیب قیلینگ!
جلال‌آباد بلدیه‌سی اوشبو ولایت عامه فواید ریاستی بیلن مذکور قتناو یول نینگ تیزلیککه آچیلیشی اوچون سعی و حرکت قیلماقده‌لر.
شونینگدیک اوتگن کون اوشبو ولایت‌ده یاغگن یامغیرلر و سوو تاشقین‌لر نتیجه‌سیده، تاغ چپه بولیب و عمومی سرک یاپیلگن ایدی.
گزارش‌لر اساسیده، ولایت‌لردن قطاریده یوز بیرگن سوو تاشقین‌لر نتیجه‌سیده، قتناو یوللر تخریب بولیب و اهالی‌دن قطاری گه جانی و مالی زیان ییتیشگن.
