اوتگن کون مملکت شرقی ولایتلریدن قطاریده یوز بیرگن یامغیر و سوو تاشقینلر نتیجهسیده، اهالی گه کوپینچه مالی و جانی زیان ییتیشگن. کنر معلومات و مدنیت ریاست رئیسی نجیبالله حنیف نینگ سلاموطندار گه ایتیشیچه، نورستاندن آقیب کیلگن سوو تاشقینلر اوشبو ولایت چپهدره تومنی و یقین منطقهلری گه زیان ییتیشتیرگن.
اونگه کوره، نورستاندن بولمیش بیر عیال بیلن بیر باله نینگ جسدی کنر گه آقیب کیلیب یشاوچیلر تامانیدن تاپیلگن دیر. کنر معلومات و مدنیت ریاست رئیسی نینگ کوپهیتیریشیچه، بو لر گه علاوه، بیر قطار منطقهلرده سرکلر، کوپریکلر و ایکینچیلیک ییرلر هم تخریب بولگن.
بیزلرنینگ توییترده هم تعقیب قیلینگ!
شونینگدیک محلی مسئوللر نینگ ایتیشلریچه، چپهدره تومنی اطرافیده یوز بیرگن چقماق نتیجهسیده بیر کیکسه یرهلنگن. نورستان وامای تومنیده محلی منبعلر نینگ ایتیشلریچه، سوو تاشقینلر یشاوچیلر گه کوپینچه مالی و جانی زیان ییتیشتیرگن و عین حالده،کنر-نورستان قتناور یولی هم زیان کورگن.
لوگر محلی مسئوللری نینگ ایتیشلریچه، اوشبو ولایت نینگ برهکی برک، محمدآغه، خوشی، خروار و څرخ تومنلری و پُلاعلم شهریده یامغیر باعث، سوو تاشقین یوز بیرگن.
بیزلرنینگ فیسبوک صحیفهمیزگه باش اورینگ!
لوگر ایکینچیلیک، سوغاریش و چارواچیلیک رئیسی سیداحمد هاشمی نینگ ایتیشیچه، پُلاعلم شهریده بیر دیوار نینگ چپه بولگنی باعث، ۸ یاشر قیز هلاک بولگن. اونگه کوره، ۱۰ یشش اوی و ۴۰۰۰ جریب گه یقین ایکینچیلیک ییرلر و باغلر تحریب بولگن.
شوندهی بیرحالده، لغمان حاکمی سوزلاوچیسی صلاحالدین زاهد نینگ سلاموطندار گه ایتیشیچه، مذکور ولایت تومنلریدن قطاریده یوز بیرگن سوو تاشقینلر، ایکینچیلیک ییرلر گه زیان ییتیشتیرگن؛ بیراق اونگه کوره، یشاوچیلر گه زیان ییتیشمهگن.
شونینگدیگ ولایتلردن قطاریده یوز بیرگن سوو تاشقینلر خصوصیدهگی گزارشلر گه کوره، سوو تاشقینلر اهالی گه کوپینچه جانی و مالی زیان ییتیشتیرگن.