بیرلشگن ملتلر تشکیلاتینینگ بالهلرنی قوللب-قوتلاوچی صندیغی (یونیسف)، هرات ده یوز بیرگن سونگی سوو تاشقینلردن جبرلنگن ۹۰۰ کیشیگه، انسانسیورلیک یاردملر ترقهتگنینی معلوم قیلگن.
یونیسف، اکس صحیفهسیده یازیشیچه، اوشبو یاردملر عایلهلر اوچون یاردم پاکتلری، ساغلیقنی سقلش پاکتلری و سوونی تازهلش تابلیتلریدن عبارت دیر.
بو نهادگه کوره، افغانستان ولایتلریدن قطاریده کوچلی یاغینگرچیلیکلر، سوو تاشقینلری یوز بیریشی و اهالیگه کوپینچه جانی و مالی زیانلر ییتیشیشیگه سبب بولگن.
سونگی کونلر افغانستاننینگ نیچه ولایتیده یوز بیرگن سوو تاشقینلر نتیجهسیده، کمیده ۱۶ کیشی اولیب و ۱۰ کیشی یرهلنگن. حادثهلرگه قرشی تیارگرلیک کوریش ملی ادارهسینینگ معلوماتی اساسیده، ۱۰ دن آرتیق ولایتده یوز بیرگن سوو تاشقینلر عاقبتیده، بیر مینگ ۸۵۰ یشش اوی بوزیلیب و ۲۱۹ عایله آواره بولگن.
