افغان قیزیل آی جمعیتی، بوگون (شنبه، ۱۱ سنبله) اوز تویتری ده، ملک سلمان جمغرمه‌سی نینگ مالیه‌وی حمایتی و اسلامی همکارلیکلر تشکیلاتی اویغون‌لیگی بیلن، مملکت بویلب کمبغل و محتاج کیشی‌لر گه ییگولیک ماده‌لرنی توزیع قیلیش اوچینچی و تورتینچی باسقیچی باشلنگنیدن خبر بیرگن.
بیزلرنینگ فیسبوک صحیفه‌میزگه باش اورینگ!
افغان قیزیل آی جمعیتی گه کوره، ملک سلمان جمغرمه‌سی نینگ مالیه‌وی حمایتی و اسلامی همکارلیکلر تشکیلاتی اویغون‌لیگی بیلن اوشبو باسقیچ ده ۴۷ مینگ ۴۰۰ کمغبل عایله گه، ییگولیک ماده توزیع بوله‌دی.
اسلامی همکارلیکلر تشکیلاتی نماینده‌سی مطیع‌الحق خالص و ملک سلمان جمغرمه‌سی نماینده‌سی سعیدالعیاش، افغانستان خلقی گه یاردم بیریش اوچون افغانستان قیزیل آی جمعیتی نینگ سعی‌وحرکت‌لریدن منتدارلیک بیلدیرگنلر.
اسلامی همکارلیکلر تشکیلاتی نینگ نماینده‌سی مطیع‌الحق خالص میدیالر گه ایتیشیچه: «بوگون افغانستان ده محتاج عایله‌لر گه یاردم بیرماقدهمیز، کینگی باسقیچ ده غزنی، میدان‌وردک، خوست، بامیان، دایکندی، پروان، پنجشیر، کاپیسا، بدخشان، تخار، قندوز، بلخ و جوزجان ولایت‌لری ده‌گی کمبغل عایله‌لر گه یاردم بیریله‌دی.»
بیزلرنینگ توییترده هم تعقیب قیلینگ!
ایتیش کیره‌ک که، اسلام امیرلیگی حاکمیتیدن کیین، مملکت بویلب قشاق‌لر و کمبغل‌لر سانی سیزیلرلی درجه ده آشگن و ینگی‌لیکده، بیرلشگن ملت‌لر تشکیلاتی خلق‌ارا آزیق_آوقات دستوری افغانستان بویلب ۱۵ میلیون دن آرتیق کیشی، تیز یاردم گه محتاج ایکن‌لیکلریدن آگاه‌لنتیرگن.
