اوتگن نیچه کون جریانیده مملکت یشاوچیلری افغانستان ده اینگ کوچلی سوو تاشقینلر گه شاهد ایدیلر. اوشبو سوو تاشقینلر نتیجهسیده، جانی تلفات گه علاوه مینگلر جریب ییر تخریب بولیب و شونینگدیک یوزلرچه یشش اوی اورتهدن کیتگن.
شوندهی بیرحالده، طبیعی حادثهلر گه قرشی کورهش وزیرلیگی سوزلاوچیسی محمدنسیم حقانی نینگ سلاموطندار بیلن اوتکزگن صحبتلریده، مملکتده یوز بیرگن سونگی سوو تاشقینلر نتیجهسیده ۳۵ کیشی نینگ هلاک بولگنی نی ایتگن. حقانی نی گه کوره، اوشبو وزیرلیک تامانیدن یاردم بیرووچی تیملر واقعه محلی گه باریب و حاضر ایسه اهالی گه یاردم بیریش گه مصروفلر.
بیزلرنینگ فیسبوک صحیفهمیزگه باش اورینگ!
باشقه بیر تاماندن، زیان کورگن ولایتلرده محلی مسئوللری نینگ بیاناتلری اساسیده، بوگون گه قدر سوو تاشقینلرده هلاک بولگنلر نینگ سانی ۷۸ کیشی گه ییتیشگن.
محلی رسمیلردن نقل قیلینگن گزارشلر اساسیده، نورستان و غزنی ولایتلریده سوو تاشقینلر نتیجهسیده هلاک بولگنلر سانی ۱۴ کیشی، قندهار نینگ شاهولی کوت تومنیده ۲۳ کیشی، پکتیا ده ۸ کیشی و شونینگدیک زابل ده ایسه ۸ کیشی گزارش بیریلگن ایکن.
شونینگدیک ارزگان ولایتی سوزلاوچیسی ولی جان پوهنیار نینگ سلاموطندار گه ایتیشیچه، اوشبو ولایتده یوز بیرگن سوو تاشقینلر سبب، ۲۴ کیشی هلاک بولگن.
عین حالده، لوگر ولایتی نینگ ایکینچیلیک، چارواچیلیک و سووغاریش ریاست رئیسی سیداحمد هاشمی نینگ سلاموطندار گه ایتیشیچه، مذکور ولایتده یوز بیرگن سوو تاشقینلر نتیجهسیده، ۳ مینگ جریبدن آرتیق ایکینچیلیک ییر تخریب و یوزلرچه یشش اوی ویران بولگن. شونینگدیک او، اوشبو ولایتده بیر کیشی نینگ هلاک بولگنی تصدیق قیلگن.
شوندهی بیرحالده، اوشبو سوو تاشقینلردن زیان کورگنلر عاجل یاردملر نینگ فراهم بولیب و مسئوللر تامانیدن توجه صورت تاپیشی نی ایستهیدیلر. اولر گه کوره، توجه صورت تاپمهگن تقدیرده، تلفات سانی نینگ کوپهیشی ممکن.
بیزلرنینگ توییترده هم تعقیب قیلینگ!
شونینگدیک طبیعی حادثهلر بیلرمانلریدن بیری عبدالباسط نینگ سلاموطندار گه ایتیشیچه، افغانستان آز زمانده سوو تاشقینلر نینگ مدیریت قیلیش گه کوچی ییتیشمهیدی.
اونینگ کوپهیتیریشیچه: «آز بیر زمانده وقایوی ایشلر نی قیلهآلمهیمیز یعنی سوو تاشقینلر نی مدیریت قیلهآلمهیمیز. افغانستان نینگ اینگ بویوک قیینچیلیکلریدن بیری شو که، شهرلرده و تومنلرده اهالی نینگ اویلری دریالر نینگ یقینیده توزهتیلگن دیر.»
ایتیش کیرهک که، افغانستان سونگی نیچه آی جریانیده، طبیعی واقعهلر اینیقسه یانغین، زلزله و سوو تاشقینلر گه شاهد ایدی.