بیرلشگن ملتلر تشکیلاتینینگ بالهلرنی قوللب-قوتلش صندیغی (یونیسف)، گه کوره، افغانستان ده قوروقچیلیک، سوو تاشقینلر و حددن تشقری ایسیقلیک، بالهلر آوقتلنیشیگه تیگیشلی جبرلنیشنی کوچهیتیرهدی.
افغانستان ده بیرلشگن ملتلر تشکیلاتینینگ بالهلرنی قوللب-قوتلش صندیغی باشلیغی تاجالدین اویواله، بوگون (۱-سرطان/ ۲۲-جون، دوشنبه)، اکس صحیفهسیده یازیشیچه، افغانستان ده هوا اوزگریشلری خوفلری بالهلر آوقتلنیشی قیینچیلیکلرینی کوپهیتیرهدی.
اویوالهگه کوره، قوروقچیلیکلر، سوو تاشقینلر یوز بیریشی و جزیرمه ایسیقلیک، آزیق-آوقت تیزیملری و سوو منبعلریدن فایدهلنیشنی ضعیفلشتیرهدی.
شونینگدیک یونیسف باشلیغینینگ کوپهیتیریشیچه، واکسین تطبیق بولیشی جریانیده بوشلیقلر و ساغلیقنی سقلش خذمتلریدهگی کمچیلیکلر اوشبو حالتنینگ خوف-خطرلرینی آشیرهدی.
افغانستان سونگی ییللرده قوروقچیلیک، سوو تاشقینلر و هوا اوزگریشلرینینگ باشقه کوچلی واقعهلری بیلن روپهره بولگن.
بوندن آلدین، یشش محیطنی سقلش ملی ادارهسی، افغانستان هوا اوزگریشلری سلبی تاثیرلریگه جواب بیریش و اولرنی کمهیتیریش اوچون ۲۲ میلیارد دالرگه نیاز بارلیگینی ایتگن ایدی.
