کابل ده «مینه» نهادی مسئوللری اوتگن کون (چهارشنبه، ۲۶-میزان)، خبری بیر ییغین‌ده ایتیشلریچه، ایکی هفته‌دن بویان هرات ده زلزله عاقبتیده زیان کورگنلر گه یاردم بیریش کمپاینی نی باشلب و اوشبو کمپاین نینگ حاضرگچه دوامی بار.
اوشبو نهاد مسئوللری نینگ کوپه‌یتیریشلریچه، یشاوچیلردن توپله‌گنلری یاردم‌لر نینگ هرات ده سونگی زلزله‌لر عاقبتیده زیان کورگن ۲۰۰ عایله گه انتقال بیره‌دیلر.
بیزلرنینگ فیسبوک صحیفه‌میزگه باش اورینگ!
«مینه» نهادی اساسچیسی عایشه قاضی نینگ ایتیشیچه، توپلنگن یاردم‌لر آره‌سیده، باله‌لر و عیال‌لر گه بیش مینگ قیش کییم-کیچک و ساغلیق جهازلری شامل دیر.
اونینگ کوپهیتیریشیچه: «اهالی تامانیدن باله‌لر وعیال‌لر گه بیش مینگ قیش کییم-کیچک و ساغلیق جهاز یاردملری بوگون هرات گه انتقال بیریلیب و هرات ده زلزله عاقبتیده زیان کورگنلر گه یاردم بیریش اوچون مملکت بویلب کمپاین باشلنیشی کیرهک.»
«مینه» نهادی رضاکارلریدن بیری فرخنده نینگ ایتیشیچه، ملی و خلق‌ارا مؤسسه‌لردن هرات ده زلزله عاقبتیده زیان کورگنلر گه یاردم بیریلیشی نی ایسته‌گن.
اونینگ کوپهیتیریشیچه: «اهالی آره‌سیده همدردلیک بیر حس نینگ ایجاد بولیشی و اهالی گه ییتیشه‌دیگن درد نینگ آره‌میزده مشترک بولیشی کیرهک و بو کمپاین نینگ مملکت بویلب یولگه قوییلیشی کیرهک.»
بیزلرنینگ «ایکس» ترماغی ده هم تعقیب قیلینگ!
«حسنات» مکتبی نماینده‌لریدن بیری سعدیه نینگ ایتیشیچه، هرات ده زلزله عاقبتیده زیان کورگنلر اوچون، اهالی‌دن یاردم توپله‌گن و اهالی نینگ کوپراق یاردم گه نیازی بولگنی سبب، بو کمپاین گه قوشیلگن دیر.
اونینگ کوپهیتیریشیچه: «کییم، ایدیش و بیر اوی‌ده نیاز بولگن هر نرسه اهالی‌دن توپلنیب و هرات ده زلزله‌دن زیان کورگنلر گه ییتیشیشی اوچون بو ییر گه کیلتیریلگن.»
عین حالده، «مینه» نهادی مملکت بویلب کمپاین ایجاد بولیشی نی ایسته‌ب و شونینگدیک بوندن آلدین هم ولایت‌لردن قطاری‌ده یاردم توپلش کمپاینی باشلنگن ایدی.
ایتیش کیرهک که، اوتگن کون آلدین بیرلشگن ملت‌لر تشکیلاتی نینگ آزیق-آوقات دستوری افغانستان شمال‌غربی‌ده یوز بیرگن سونگی زلزله‌لرده، قیشلاقلر گه زیان ییتیشیب و مذکور قیشلاق یشاوچیلری هم عاجل یاردم‌لر گه نیازلری بولگنی نی ایتگن ایدی. اوشبو دستور گه کوره، هرات ده زلزله عاقبتیده زیان کورگنلر گه یاردم بیریش اوچون، ۱۹ میلیون دالر گه نیاز دیر.
