اوتگن “سه‌شنبه” کونی کابل شهریده سردار محمدداوود خان کسلخانه‌ اطرافیده ایکی پارتلش یوز بیریب و نتیجه‌ده بیرقطار کیشی‌لر هلاک و یره‌لنگنلر.

اوشبو پارتلش‌لر و آتیشمه نینگ دوامی بیرقطار واکنش‌لر بیلن روپه‌ره بولگن.

افغانستان بوییچه بیرلشگن ملتلر تشکیلاتی نینگ اورین باسرلیک هیاتی و اروپا بیرلشمه‌سی نینگ تشقی ایشلر بولیمی فرقلی اعلامیه‌لر نشر قیلیش بیلن کسلخانه اوستیگه هجوم قیلیش‌نی خلق ارا قانونلریگه قرشی عنوان قیلیب و انسان حقلری و اسلامی ارزش‌لرنی نقض قیلیش دیگنلر. اولر، بو واقعه عامل‌لری محکمه ایتیلیشی‌نی سوره‌گنلر.

شونینگدیک، دنیا ساغلیک تشکیلاتی اوشبو واقعه‌ده قربان بولگنلرنینگ عایله‌لری بیلن قیغوداشلیک بیلدیریب ایتیشیچه، ساغلیک مرکزلرنینگ هدف آستیگه قرار بیریلمه‌یشی کیره‌ک.

عین‌حالده، بیرقطار مملکت‌لرنینگ تشقی ایش‌لر وزیرلیک‌لری و مملکت سیاسی سیمالری بو واقعه‌گه قرشی واکنش کورستگنلر.

حاضرگه‌قدر مذکور حادثه‌ده هلاک ایتیلگنلر و یره‌لنگنلر خصوصیده بیللی معلومات ارایه قیلنمه‌گن. رویترز کونده‌لیگی نینگ گزارشی‌گه کوره، بو واقعه‌ده ۲۵ کیشی هلاک و ۵۰ دن آرتیق کیشی‌ یره‌لنگن، بیراق بو رقم اسلامی امارت تامانیدن رد ایتیلگن.

اسلامی امارت سوزلاوچیسی نینگ اورین باسری احمدالله وثیق نینگ سلام‌طندارگه ایتیشیچه، اوتگن “سه‌شنبه” کونی سردار محمدداوود خان کسل‌خانه‌سی اوستیگه اویشتیریلگن هجوم نتیجه‌سیده، ۳ عیال، ۱ باله و ۳ طالبان هلاک و باشقه ۵ کیشی یره‌لنگن دیر.

جناب وثیق نینگ کوپه‌یتیریشیچه، اسلامی امارت شونده‌ی هجوم‌لرنینگ تکرار بولمه‌یشی اوچون، سعی و حرکت قیله‌دی.

سردار محمدداوود خان کسل‌خانه‌سی اوستیگه اویوشتیریلگن هجوم مسئولیتی‌نی داعش گروهی بویینیگه آلگن. اوشبو گروه تامانیدن نشر قیلینگن اعلامیه‌گه کوره، مذکور هجوم اولرنینگ ۵ هجومچی‌سی تامانیدن اویوشتیریلگن.

مرتبط با این خبر:

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام