فرانسپرس کوندهلیگی نینگ بیر گزارش نشر قیلیب ایتیشیچه، کابل قول اردو قومندانی مولوی حمدالله مخلص اوتگن “سهشنبه” کونی داعش گروهی تامانیدن سردار محمدداوود خان کسلخانهسی اوستیگه اویوشتیریلگن هجوم نتیجهسیده، هلاک ایتیلگن.
بیزلرنینگ فیسبوک صحیفهمیزگه باش اورینگ!
اوشبو کوندهلیک نینگ اسلامی امارت مسووللریدن نقل قیلیب ایتیشیچه، مذکور هجومده اولرنینگ حربی قومندانلریدن بیری هلاک ایتیلگن. هلاک ایتیلگن قومندان نینگ نامی حمدالله مخلص بولگنی ایتیلگن. معلوماتلرگه کوره، جناب مخلص حقانی شبکهسی عضوی و کابل قول اردو قومندانی ایکن.
فرانسپرس کوندهلیگی نینگ اسلامی امارت مطبوعاتی رسمیلریدن نقل قیلیب یازیشیچه: « کابل قول اردو قومندانی مولوی حمدالله مخلص، سردار داوود خان کسلخانهسی اوستیگه اویوشتیریلگن هجوم دن آگاه بولگنیدن سونگ، اوزینی محلگه ییتیشتیرگن و یوزمهیوز آتیشمهده هلاک ایتیلگن.»
ایتیلیشیچه، اوتگن “سهشنبه” کونی قوراللی هجومچیلردن قطاری سردار محمدداوود خان کسلخانهسی اوستیگه هجوم قیلگن و نتیجهده ۱۹ کیشی هلاک و باشقه ۴۳ کیشی یرهلنگن.
بو هجوم مسئولیتینی داعش گروهی نینگ خراسان بولیمی بوینیگه آلگن. داعش نینگ اعلان قیلیشیچه، ۵ هجومچی هماهنگ شکلده اوشبو کسلخانه اوستیگه هجوم قیلگن.
شونینگدیک، اسلامی امارت سوزلاوچیسی ذبیحالله مجاهد نینگ بو واقعه نی تصدیقلب ایتیشیچه، مذکور هجوم، هجومچیلر نینگ هلاک ایتیلیشی بیلن یکونلنگن.
بیزلرنینگ فیسبوک صحیفهمیزگه باش اورینگ!
جناب مجاهد گه کوره، مذکور واقعه ده ۷ کیشی هلاک و باشقه ۵ کیشی یرهلنگن. اونینگ کوپهیتیریشیچه، ۳ عیال، بیر باله و اسلامی امارت کوچلریدن ۳ تهسی هلاک ایتیلگنلر جملهسیدن دیر.