بوگون “سه‌شنبه” توش چاغیده کابل شهری نینگ ۱۰- امنیتی حوزه‌سیگه تیگیشلی منطقه‌ده جایلشگن سردار محمد داوود خان کسلخانه‌سی نینگ کیریش ایشیگی برابریده کوچلی پارتلش یوز بیرگن و اوندن سونگ، هجومچی‌لردن ایکی ته‌سی مذکور کسلخانه‌گه کیریب طالبان کوچلریگه قرشی اوق آتگن.
ایچکی ایش‌لر وزیرلیگی سوزلاوچیسی قاری سعید خوستی، بیر توییت آرقه‌لی بو واقعه نی تصدیق‌لگن، لیکن تلفات خصوصیده معلومات بیرمه‌گن.
شونینگدیک، اسلامی امارت سوزلاوچیسی نینگ اورین باسری احمد‌الله واثق نینگ سلام‌وطندار بیلن اوتکزگن صحبتیده بو واقعه‌ده نیچه کیشی یره‌لنگنی‌نی تصدیق‌لگن، لیکن کوپراق معلومات بیرمه‌گن.
بیراق، خلق ارا کونده‌لیکلری جمله‌دن رویترز نینگ بیر گزارش آرقه‌لی ایتیشیچه، بو واقعه‌ده ۱۵ کیشی هلاک و باشقه ۳۴ کیشی یره‌لنگن.
مذکور پارتلش‌لر مسوولیتی‌نی حاضرگه‌قدر هیچ‌بیر گروه بوینیگه آلمه‌گن؛ لیکن افغانستانده اسلامی امارت حاکم بولگنیدن سونگ، ترورچیلیک هجوم‌لردن بیرقطاری نینگ مسوولیتی‌نی داعش گروهی بویینیگه آلگن.
