نیویارک تایمز کونده‌لیگی آمریکالیک ییریک رسمی‌لردن نقل قیلیب گزارش بیریشیچه، آمریکا نینگ مدافعه وزیرلیگی یا پنتاگون بحرانی وضعیت یا کابل و افغانستان نینگ باشقه کتته شهرلری خوف بیلن دوچ کیلگنده، امنیتی کوچلردن حمایت قیلیش اوچون هوایی هجوم اویوشتیریش گه رخصت آلیش موضوعی نی تیکشیرماقده.
گزارش گه کیلیشیچه، بو توغریده هیچ قنده‌ی نهایی قرار آلینمه‌گن؛ بیراق بو بحث بحرانی وضعیت‌لرده تیکشیریله‌دیگن موضوع‌لردن بیری بولیشی ممکن.
مدافعه وزیرلیگی نینگ ایتیشیچه، افغانستان امنیتی کوچلری هر قنده‌ی هجوم اویوشتیره آله‌دی؛ بیراق کیره‌ک بولگنده تشقی همکارلر هوایی بولیم ده امنیتی کوچلرگه یارم بیریشی ممکن.
بیزلرنینگ فیسبوک صحیفه‌میزگه هم باش اورینگ!
مدافعه وزیرلیگی سوزلاوچیسی روح‌الله احمدزی نینگ ایتیشیچه، امنیتی کوچلریمیز ایرکین شکلده اوز مملکت‌لری و توپراق‌لریدن مدافعه قیله آله‌دی و کیره‌ک بولگنده هوایی بولیم‌لرده تشقی همکارلردن یاردم ایسته‌یمیز.
سیاسی و حربی ایش بیلرمانلر، افغانستان امنیتی کوچلردن حمایت قیلیش بیلن هوایی هجوم اویوشتیریلیشی نی جاری وضعیت یخشی‌لنیشی گه یاردم بیرمه‌یدی دیب و ایتیش‌لریچه، افغانستان کتته شهرلری سقوط خطری بیلن روپه‌رو بولمه‌یشی ممکن.
بیزلرنینگ توییترده هم تعقیب قیلینگ!
حربی ایش بیلرمان اسدالله ندیم نینگ ایتیشیچه، مملکت وضعیت نی توغری کنترول قیلیش و افغانستان امنیتی کوچلریگه ییترلیچه حربی جهاز فراهم قیلینگن صورتده، بونده‌ی بیر اقدام هیچ کیره‌ک ایمس. اونگه کوره، آمریکا افغانستان بحرانی نی سیاسی یولدن حل قیلینیشی گه توجه قیلیشی کیره‌ک.
شونینگدیک بوندن آلدین، آمریکا کابل طالبان قولیگه سقوط قیلیشی نینگ آلدینی آلیش اوچون، یوزلرچه خاص حربیسی نی افغانستان پایتختی ده جایلشتیریش خصوصیده قرار قیلگنیدن گزارش ترقه‌تیلگن ایدی.
