آمریکا جمهور رئیسی جوبایدن تامانیدن افغانستان وضیعتی خصوصیده اوشبو مملکت کانگرسی‌گه یوباریلگن سونگی نامه‌ده ایتیلیشیچه، آمریکا افغانستان امنیتی و دفاعی کوچلریدن حمایت قیلیش‌گه دوام بیره‌دی.
جناب بایدن نینگ اوشبو نامه‌ده کوپه‌یتیریشیچه، چیت‌ایللیک کوچلرنی افغانستاندن چیقگنیدن سونگ، دهشت تشلاوچی‌لیک تهدیدلردن کوز یوم‌مه‌یدی و تهدیدلرگه توسیق بولیش اوچون منطقه‌ده قیته‌دن کوچلرینی تنظیم قیلیشی ممکن.
عین‌حالده، آمریکا مدافعه وزیرلیگی نینگ سوزلاوچیسی جان کربی نینگ اوتگن کونی قیلگن بیاناتلریگه کوره، آمریکا مرکزی قومندانلیگی نینگ قومندانی جنرال مک کنزی و یاردمچی‌لری قراردادی شرطنامه خصوصیده ایشلماقده و کیله‌جک‌لرده امنیت کوچلر اوچاق‌لریدن مراقبت قیلیش اوچون سعی و حرکت قیله‌دیلر.
حربی ایش بیلرمان‌لر، افغانستان امنیتی و دفاعی کوچلریدن آمریکا حمایتی نینگ دوام قیلیشی‌نی اونملی عنوان قیلیب ایتیش‌لریچه، اوشبو حمایت نینگ تاثیری یخشی مدیریت‌گه تیگیشلی دیر.
حربی ایش بیلرمان‌لردن بیری عتیق‌الله امرخیل نینگ ایتیشیچه، نیچه ییلدن بویان حربی عملیات‌لر افغانستان امنیتی و دفاعی کوچلری تامانیدن یولگه قوییله‌دی و اولرنی یالغیز تجهیزات‌گه نیازلری بار.
بوندن آلدین آمریکا مرکزی قومندانلیگی، آمریکا حربی‌لری نینگ افغانستاندن چیقیش جریانی ۵۰ فایز تکمیل بولگنیدن خبر بیرگن ایدی و اوشبو برنامه اساسی‌گه آمریکالیک کوچلرنینگ چیقیش جریانی‌نی جاری میلادی ییل ۱۱ سپتامبرگچه یکونله‌نیشینی بیلدیرگن ایدی.
