آمریکا جمهوررئیسی جو بایدن نینگ ایتیشیچه، مذکور مملکت حربی‌لری نینگ افغانستان دن چیقیش تاریخی نی کیچیکتیره آله‌دی. واشنگتن تایمز کونده‌لیگی نینگ گزارش بیریشیچه، جناب بایدن اوتگن کیچه (چهارشنبه ۲۲- دلو) بیرینچی مرته آمریکا مدافعه وزیرلیگی گه باریب بو موضوع نی بیان قیلگن.
جوبایدن نینگ ایتیشیچه: «حربی کوچلر ییچیم یول اوچون سونگی گزینه بولیشی کیره‌ک. نه بیرینچی ییچیم یول. آمریکا مدافعه وزیرلیگی نینگ اصلی مأموریتی آمریکا گه دشمن نینگ هجومی نی آلدینی آلیش دیر.»
جناب بایدن گه کوره، دنیا ده دواملی اوروش‌لرنی مسئولانه شکلده یکونلنتیریش اوچون ایش قیلیشی ممکن.
شونده‌ی بیرحالده، بوندن آلدین آمریکا مدافعه وزیرلیگی بو مملکت دوحه کیلیشوونامه‌سیگه ذکر بولگن تاریخ (جاری ییل ۱- می آیی) گه افغانستاندن چیقمه‌سی ممکن دیگن ایدی.
بوندن کیین آمریکا مرکزی قومندانلیک ستاد قومندانی ژنرال مک کنزی، افغانستان دن آمریکا حربی‌لری نینگ چیقیشی شرایط گه باغلیق بولیشی کیره‌ک دیگن ایدی.
شونینگدیک جاری هفته (دوشنبه ۲۰- دلو) آمریکا جمهوری‌خواه سناتورلریدن بیری لیندزی گراهام نینگ ایتیشیچه، اوشبو مملکت حربی‌لری آمریکا و طالبان آره‌سیده امضالنگن شرطنامه‌ده تعیین‌لنگن زمانده افغانستان‌نی ترک قیلمه‌یدی.
جناب گراهام نینگ «سی‌بی‌اس» خبری ترماغی بیلن اوتکزگن صحبتی‌ده ایتیشیچه، افغانستان موضوعی خصوصیده جو بایدن دولتی نینگ پیشنهادینی خوش قرشی‌له‌یدی.
اونینگ ایتیشیچه: «فکر قیله‌من می آیی‌ده چیقیشی‌میز ممکن ایمس. مناسب شرایط یره‌تیلگن پیتده بیز چیقه‌میز. طالبان تخطی قیلگن. اولر تعهدلریگه عمل قیلمه‌گن و انه‌شو سبب، بایدن دولتی نینگ قیلگن ایشی‌نی تصدیق‌له‌یمن.»
اونینگ کوپه‌یتیریشیچه، آمریکا تیزلیککه و لازم شرایط یره‌تلمسدن آلدین افغانستان‌نی ترک قیلگن صورتده، داعش و القاعده قیته‌دن کوچلی بولیب و عیال‌لرنینگ وضعیتی خواطرلنترووچی بولیشی ممکن.
اوشبو آمریکالیک سناتور نینگ افغانستان مطالعه گروهی تامانیدن نشر قیلینگن گزارش‌گه اشاره قیلیب و اوشبو گروه یخشی نتیجه گه قول تاپگنی‌نی بیلدیرگن.
افغانستان مطالعه گروهی، «افغانستانده تینچلیک یولی» عنوانیده بیر گزارش نشر قیلیب آمریکا حربی‌لری نینگ غیرمسولانه چیقیشی ایچکی اوروش‌لرگه سبب بولیشینی بیلدیرگن ایدی.
اوشبو گزارشده آمریکا ینگی دولتیدن حربی‌لری نینگ افغانستاندن چیقاریشی خصوصیده تعیین‌لنگن ضرب‌الاجل نی کنارگه قویشی‌نی ایسته‌گن.
عین حالده، بوندن آلدین آمریکا کانگرسی نینگ تکلیفی اساسیده تیارلنگن گزارش جوبایدن نینگ ادارسیگه توصیه قیلیشیچه، آمریکا افغانستان دن بوتون حربی‌لرینی چیقاریش برنامه‌سینی کیچیکتیریشی کیره‌ک، می آیی گچه بیریلگن وقت دن واز کیچیب و افغانستان ده امنیتی وضعیت یخشی بولگن صورتده، حربی‌لری نینگ سانی نی کمه‌یتیرسین.
«افغانستان مطالعه گروهی» نامی آستیده تیارلنگن گزارش گه کیلیشیچه، بوتون آمریکالیک حربیلر افغانستان نی ترک قیلیشی، ایچکی اوروشلر، منطقه وضعیتی بوزیلیشی و القاعد تهدیدی نینگ کوپه‌یشی گه سبب بوله‌دی.
کمیده بیر هفته آلدین (چهارشنبه ۱۵- دلو) افغانستان مطالعه گروهی نینگ رهبرلیک قیله‌دیگن و شونینگدیک آمریکا حربی‌لری نینگ قوشمه مرکز باشلیغی جنرال جوزف دانفورد، خبرچیلر بیلن بیر ییغین اوتکزیب و افغانستان دولتی نینگ «سینه‌دیگن» بیر دولت عنوان قیلیب ایتیشیچه، تینچلیک سوزلشوولری افغانستان اوروشی نینگ یکونله‌نیشی اوچون واقعی بیر فرصت ایجاد قیلگن.
اونینگ کوپه‌یتیریشیچه، مذکور گزارش افغانستان تینچلیگی بوییچه آمریکا خاص نماینده‌سی زلمی خلیل‌زاد شامل آمریکا جمهوررئیسی جوبایدن دولتی نینگ اختیاری گه قرار تاپگن.
افغانستان مطالعه گروهی افغانستان تینچلیک موضوعی برابریده آمریکا پالیسی‌سی حقیده گزارش تیارلش اوچون میلادی ۲۰۱۹- ییل نینگ دسمبری آیی گچه ایجاد ایتیلدی.
مذکور گزارش گه کیلیشیچه، افغانستان تینچلیک پروسه‌سی یخشی بیر نتیجه گه ایریشیش اوچون ییترلیچه فرصت و زمان بیریلیشی کیره‌ک و آمریکالیک حربیلر جاری ییل نینگ می آیی گچه بوتونلی چیقیشی خصوصیده بیریلگن وقت نی تمدید قیلیش اوچون دیپلوماتیک سعی و حرکتلر باشله‌نیشی کیره‌ک.
اوشبو گزارش نینگ کوپه‌یتیریشیچه، طالبان آمریکا حربی‌لری نینگ چیقیش وقتی تمدید ایتیلیشی نی تن آلمه‌گن صورتده، تینچلیک پروسه‌سی اورته‌دن کیتیشی ممکن.
آمریکا و طالبان گروهی آره‌سیده امضالنگن دوحه‌کیلیشوونامه‌سی اساسیده، مذکور گروه آمریکا حربی‌لریگه قرشی هجوم نی توخته‌تیب، افغانستان زوروانلیکلر میزانی نینگ کمه‌یتیریب و افغانستان حکومتی بیلن تینچلیک سوزلشوولرینی آلغه آلیب باریش‌لری کیره‌ک. بونینگ بدلی ده آمریکا کونسایین حربی‌لری نینگ سانی نی کمه‌یتیریب و میلادی ۲۰۲۱- ییل نینگ می آی گچه بوتون حربی‌لری چیقاریش خصوصیده سوزبیرگن.
حاضر آمریکا حربی‌لریدن یالغیز ۲۵۰۰ ته‌سی افغانستان ده موجود دیر.
