جمهوررئیس غنی جوبایدن گه یوللگن قوتلاو پیامی گه ایتیشیچه، افغانستان کوپ ییل‌لردن بویان اوروش بیلن کوره‌شماقده و آمریکا ینگی حکومت رهبرلیگی بونده‌ی قتیق شرایط ده افغانستان‌لیکلرنینگ یانیده توریشی گه امیدوار دیر.
جناب غنی بیر توییت آرقه‌لی، جوبایدن نینگ قدرت گه ایریشیشی بیلن آمریکا و افغانستان آره‌سیده‌گی علاقه‌لرگه ینگی بیر فصل باشله‌نیشی خصوصیده امیدوارلیک بیلدیرگن.
شونده‌ی بیرحالده، جناب غنی آمریکا ایلچی‌خانه‌سی نینگ شارژدافیری راس ویلسن و افغانستان بوییچه ناتو عمومی قومندانی اسکات میلر بیلن اوچره‌شگن.
مذکور ییغینده ایکی تامان افغانستان تینچلیگی، جینوا کنفرانسی ده بیریلگن وعده‌لر و آمریکا نینگ ینگی حکومتی بیلن افغانستان نینگ علاقه‌لری خصوصیده سوزله‌شیلگن.
شونینگدیک آمریکا بوییچه افغانستان ایلچیسی رویا رحمانی نینگ ایتیشیچه، اونینگ بایدن سیلاو تیمیده‌گی یوقاری مرتبه‌لی مسئوللر بیلن اوتکزگن صحبتی، افغانستان موضوعی آمریکا ینگی حکومتی اوچون اونملی بولگنی نی کورستگن. او، آمریکا ینگی حکومتیدن افغانستان توغریسیده ینگی و آچیق بیر سیاست تعقیب قیلیشی نی سوره‌گن.
بونده‌ی بیانات ارایه ایتیلگن بیرحالده، اوتگن کون باراک اوباما حکومتی خوفسیزلیک کینگشی نینگ انسان حقلری باشلیغی جیملی بیجوا نینگ ایتیشیچه، افغانستان تینچیلگی آمریکا ینگی حکومتی نینگ تشقی سیاستی ده اونملی ییرگه ایگه دیر.
اونگه کوره، جوبایدن افغانستان تینچلیک پروسه‌سینی تیکشیریب و افغانستان ده ترورچیلیککه قرشی کوره‌ش اوچون قنچه حربی کیره‌کلیگی گه توجه قیلیشی کیره‌ک. اونینگ کوپه‌یتیریشیچه، کیره‌ک بولگنده افغانستان ده آمریکا حربی‌لری نینگ سانی کوپه‌یشی کیره‌ک.
جوبایدن اوتگن کون آمریکا نینگ ۴۶- جمهوررئیسی صفتیده تحلیف مراسمی نی ییری گه کیلتیردی.
