غنی: طالبان افغانستان ده قدرت نی زور بیلن آلیش آرزوسی یالغان دیر

122397773_3381088898633995_4761361777135001409_o-ox8r39tk8rjcdv0j32wyatew3b3fzu82xwylho8gic

جمهور رئیس غنی، نامزد وزیرلرنی ملی کینگش نماینده‌لریگه تانیشتیریش ییغینیده، مملکتده زوراوانلیک‌لر میزانی کوپه‌یگنیدن خواطر بیلدیریب ایتیشیچه، طالبان گروهی نینگ رهبری ملا هبت‌الله دن سوره‌ش کیره‌ک که قییرده یاشینگن و نیگه افغانستان خلقی نی اولدیره‌دی؟

جناب غنی گه کوره، طالبان گروهی هلمند ولایتیده زوراوانلیک‌لرنی کوپه‌یتیریش بیلن قدرت نی زور بیلن آلیش گه تلاش قیله‌دی، لیکن بو ایش ناممکن دیر.

جناب غنی ملی کینگش ده بیانات بیریب، حاضرگی وضعیت خصوصیده طالبان گروهی ‌نی عیبلب ایتیشیچه، طالبان گروهی القاعده نینگ سابق رهبری اسامه بن لادن اوچون افغانستان نی دنیا بیلن روپه‌ره قیلگن.

جناب غنی نینگ کوپه‌یتیریشیچه، افغانستان دین عالم‌لری، طالبان گروهی نینگ اوروشی شرعی بولمه‌گنی خصوصیده دنیانی قناعت بیرگن.

جمهور رئیس، امریکا و دنیا جماعه‌چیلیگی نینگ وعده‌لری حقیده ملی کینگش نماینده‌لریگه معلومات بیریب، امریکا و دنیا جماعه‌چیلیگی افغانستان خصوصیده‌گی یاردم‌لریگه دوام بیره‌دی.

بوندن آلدین افغانستانده‌گی امریکالیک حربی‌لرنینگ ایتیشیچه، طالبان گروهی امضالنگن کیلیشونامه نی بوزگن و اولر طالبان گروهی نینگ هجومی برابریده افغان حربی‌لردن حمایت قیله‌دی.

عین‌حالده، چیت‌ایللیک حربی‌لر نینگ افغانستانده‌گی عمومی قوماندانی جنرال سکات میلر، سونگی پیت‌لرده‌گی زوروانلیک‌لر رقمی کوپه‌یگنی خصوصیده خواطر بیلدیریب، اوشبو موضوع افغانستان تینچلیک پروسه‌سینی تهدید بیلن روپه‌ره قیلیشدن آگاه‌لنتیرگن.

میلر جنابلری، اوشبو وضعیت خصوصیده افغان امنیتی کوچلر و طالبان گروهی نی مقصر بیلیب، تینچلیک پروسه‌سی نتیجه بیریشی اوچون امریکا نینگ سعی و حرکتیدن خبر بیرگن.

ایتیش لازم‌که افغانستانلیکلرارا سوزلشوولر ۵ هفته دن بویان دوحه ده دوام ایتماقده، لیکن ایکی تامان بیر نیچه موضوع خصوصیده کیلیشه‌آلمه‌گن.

کلیدی کلمه‌لر: // // //

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام