شیرمحمد اویغون تحصیل قیلگن ییگیت و رسانه فعاللریدن بیری دیر که دولتی وظیفه جریانیده (فاریاب ولایتی دولت‌آباد تومنی نینگ بلدیه باشلیغی) هم قیشلاق‌لری بیلن قرشی کیلیب و بو کیشی‌لردن قطاری طالبان همکارلیگی بیلن اونینگ اولیم گه تهدید قیله‌دی. اویغون بو باسیم‌لرنی کورگندن کیین عایله و اولکه نی ترک قیلیش گه زورلنه‌دی.
شیرمحمد، تورموش اورتاغی و ترکیه‌ده تولد بولگن قیز باله‌سی بیلن ایکی ییل گه اوزلرینی آلمان گه ییتیشتیره‌دی. اونینگ سلام‌وطندارگه ایتیشیچه، فاریاب ولایتی دولت‌آباد تومنی نینگ اصلی یشاوچیسی دیر، مکتب نی بلخ ولایت مرکزی مزارشریف شهریده و بیلیم‌یورت نی ایسه کابل ده بیتتیرگن.
شیرمحمد تورلی تلویزیون‌لرده اوز آنه تیلی (اوزبیکی) گه نطاق‌لیک قیلگن و قویاش ۱۳۹۵- ییل ده فاریاب ولایتی دولت‌آباد تومنی نینگ بلدیه باشلیغی صفتیده استخدام بولگن و بو بولیمده ایکی ییل وظیفه اوتکزگندن کیین، تهدیدلر باعث اولکه نی ترک قیلگن.
شیرمحمد ایکی ییل مهاجرلیک جریانیده نیچه مینگ کیلومتر یول و نیچه مملکت نی پیاده و سواره طی قیلگن. بو پیتده او بیر قیز باله گه ایگه بوله‌دی. اونینگ قیزی توغیلگنیدن بویان یوره‌ک تیشیک کسل‌لیگی گه چلینگن. اویغون نینگ ایتیشیچه، قیزی نینگ ساغلیگی توغریسیده کوپ خواطر گه قالگن و حاضر آلمان ده اوچ آی ایچیده ایکی مرته یوره‌ک عملیاتی نی اوتکزگن و اونینگ ساغلیک وضعیتی آلمان داکترلری تامانیدن قانیقرلی دییلگن.
شیرمحمد اویغون آلمان ده یشه‌یدیگن باشقه افغانستانلیک مهاجرلر کبی، مهاجرلیکدن آلدین یول قیینچیلیک‌لری و شونگه اوخشش باشقه قیینچیلیک‌لرنی تجربه قیلمه‌گن ایکن و کیله‌جگی نیمه بولیشی و قییرده بولیشی نی هیچ بیلمس ایکن.
شیرمحمد اویغون نینگ هم قیشلاق‌لری، اوز فایده‌لری اوچون شیرمحمد گه باسیم کیلتیریب و اونینگ اولکه نی ترک قیلیش گه زورلنتیرگنلر، بیراق اولر رقیب‌لری آلمان کبی دنیا نینگ اینگ رواجلنگن مملکت‌لریدن بیری گه ییتیشیب و کیله‌جگی نی بو دریچه دن کوریشی نی بیلمس ایکنلر.
اویغون ایران، ترکیه و یونان ده کوپینچه قیینچیلیک‌لرنی باشدن اوتکزگن و قیینچیلیک‌لرنی برابریده هر دایم صبر قیلگن و بوگون ایسه اوشه قیین کونلرنینگ ثمره‌سینی کورماقده. اونینگ ایتیشیچه، ایکی ییل قیینچیلیک‌لرنی کورگندن کیین حاضر راحت نفس آله‌دی.
ناقانونی مهاجرلیککه یوز کیلتیره‌دیگن مهاجرلردن کوپینچه‌سی قالگن عمرلری نینگ راحت‌لیک امیدی بیلن، شیرمحمد اویغون کبی کوپینچه قیینچلیک‌لرنی باشدن اوتکزه‌دیلر.
بیراق مهاجرلرنینگ برچه‌سی شیرمحمد اویغون کبی خوش‌چانس ایمس که کم وقت (ایکی الی اوچ ییل) گه مقصدلریگه ایریشسه. بعضی آدم‌لرهم بار که مهاجرلیک نینگ ۵ الی ۱۰ ییل قیینچیلیک‌لرینی اوتکزیش بیلن حاضر هم کیم‌لیگی نی بیللی قیله‌دیگن عادی بیر کارت قولگه کیلتیره آلمه‌گن.
