فاریاب ولایتی نینگ اصلی یشاوچیسی بولگن محمدامیر فاریابی، ترکیه نینگ استانبول شهریده یشه‌یدیگن افغانستانلیک مهاجر دیر. اونینگ ایتیشیچه، افغانستان امنیتی نهادلریده ۲۵ ییل افسر صفتیده ایش قیلگن و ۵ ییل دن بویان ترکیه ده تقدیری بیللی بولمه‌گن بیر شکلده حیات کیچیره‌دی.
ایچکی ایشلر وزیرلری نینگ اوشبو متقاعد افسری امنیتی تهدیدلر باعث مملکت نی ترک قیلیش گه زورلنگن. او، بیر یریم ییل ایران ده حیات کیچیریب و ۱۳۹۵- ییلدن بویان ترکیه ده حیات کیچیرماقده.
جناب فاریابی ۱۳۹۱- ییل ده تقاعد قیلگنیدن کیین، بیر نیچه پیت مملکتده ایش‌سیز و ایشانچ‌سیز شکلده حیات کیچیره‌دی، بیراق بو وضعیت اونینگ مملکت نی ترک قیلیشی گه زورله‌یدی. او ترکیه ده کیلگن پیت باش‌پناه تشکیلاتی ده مراجعت قیلگن، بیراق قولیده‌گی حجت و سندلر باش‌پناه تشکیلاتی نینگ معیارلری گه برابر کیلمه‌گنی باعث، باش‌پناه تشکیلاتی تامانیدن حجت قولگه کیلتیریش گه موفق بولمه‌گن.
جناب فاریابی بو توغریده اوز خواطرلرینی بیلدیریب ایتیشیچه، باش‌پناه تشکیلاتی ترکیه ده یشه‌یدیگن مهاجرلرنینگ قیینچیلیک‌لری گه ییترلیچه توجه قیلمه‌یدی و او ناقانونی شکلده بو مملکت گه کیلگنی باعث، ترکیه دولتی نینگ کیم‌لیگی نی هم قولگه کیلتیره آلمه‌گن.
امیر فاریابی حیاتی نینگ قیینچیلیک‌لریدن شکایت قیلیب ایتیشیچه، ترکیه کیلگندن بویان باش‌پناه تشکیلاتی و باشقه تشکیلاتلر تامانیدن هیچ قنده‌ی مادی و معنوی یاردم قولگه کیلتیرمه‌گن.
اونگه کوره، مهاجرلردن کوپینچه‌سی نینگ قیینچیلیک‌لری حل بولمه‌گن و شونینگدیک افغانستان ده تینچلیک تأمین‌لنیشی و ایش زمینه‌سی یره‌تیلیشی توغریسیده هم هیچ بیر امید قالمه‌گن. اونینگ کوپه‌یتیریشیچه، شو یوزه‌دن افغانستانلیک مهاجرلردن کوپینچه‌سی بیر یول و چاره اَختریب تورگن.
گزارشلر اساسیده، کونده خوفلی یوللر آرقه‌لی اروپالیک مملکتلر تامان کیته‌دیگن اونلرچه مهاجر، اروپالیک مملکتلرنینگ چیگره‌چیلری آرقه‌لی قیناققه سالینیب و قیته یوباریله‌دی و یا هم اولرنینگ قایق‌لری قصدی شکلده غرق قیلینه‌دی.
