همکار نهادلر و باش‌پناه ایزلاوچی‌لر ایش‌لری بوییچه بیرلشگن ملتلر تشکیلاتی نینگ عالی کمیشنرلیگی افغانستان یشاوچیلری نینگ گروهی مهاجرلیگی اوچون قوشنی مملکت‌لرگه تیارگرلیک آلماقده.
عین‌حالده، قوشنی مملکت‌لرده تیریک‌چیلیک قیله‌دیگن افغانسان‌لیک مهاجرلرنینگ ایتیش‌لریچه، یمان وضعیت‌ده حیات کیچیره‌دیلر و دستلبکی سهولت‌لرگه قول تاپگن ایمس‌لر.
بیزلرنینگ فیسبوک صحیفه‌میزگه باش اورینگ!
پاکستانده تیریک‌چیلیک قیله‌دیگن افغانستان‌لیک مهاجرلردن بیری نینگ ایتیشیچه، اوشبو مملکت‌ده بولگن مهاجرلر جدی قیین‌چیلیکلر بیلن روپه‌ره بولگنلر و آذیق-آوقات قولگه کیلتیریش اوچون ایرته‌دن باشلب آقشام گچه سعی و حرکت قیله‌دیلر.
اونینگ ایتیشیچه، باش‌پناه ایزلاوچی‌لردن کوپ‌قطاری ناقانونی شکلده اوشبو مملکت‌گه کیلگن و پاکستان حکومتی تامانیدن هیچقندهی یاردم بیریلمه‌یدی.
باش‌پناه ایزلاوچی‌لر بوییچه بیرلشگن ملتلر تشکیلاتی نینگ عالی کمیشنرلیگی عضوی کیلی کلمنتس نینگ ایتیشیچه، افغانستان یشاوچیلری نینگ گروهی مهاجرلیگی اوچون تیارگرلیک آلینماقده و باش‌پناه قبول قیله‌دیگن مملکت‌لرگه مالی یاردم بیریلیشی ممکن.
اونینگ ایتیشیچه، اوشبو روند سرعت‌لنتیریلیشی اوچون بحث‌لرنی دوامی بار و بو یاردم‌لردن کوپراغی نی ایران و پاکستان مملکت‌لریگه صورت تاپیشی ممکن.
بیزلرنینگ فیسبوک صحیفه‌میزگه باش اورینگ!
افغانستان طالبان قولیگه سقوط قیلگنیدن سونگ، اوشبو مملکت یشاوچی‌لریدن کوپ‌قطاری مهاجر قبول قیله‌دیگن مملکت‌لرده پناهنده بولیش‌نی ایسته‌گنلر و حاضرگهقدر کمیده ۱۰۰ مینگ افغانستان‌لیک اوز مملکت‌لرینی ترک قیلیب باشقه مملکت‌لرگه جایلشگنلر.
