کرونا ویروسی رواجله‌نیشی ترکیه اقتصادی اوستیگه هم سلبی تأثیر قویگن و مذکور ویروس نینگ کوپینچه ضرری کونده‌لیک معاش بیلن ایشله‌یدیگن مهاجرلرگه ییتیشگن.
ترکیه ده یشه‌یدیگن افغانستانلیک مهاجرلردن قطاری نینگ ایتیش‌لریچه، اوتگن ییل گه نسبتن ییگولیک ماده، اوی کرا‌سی، سوو، برق و گاز بهاسیگه خواطرلنتیرووچی اوزگریش‌لیکلر کیلگن.
ترکیه ده یشه‌یدیگن افغانستانلیک مهاجر امیرمحمد فاریابی سلام‌وطندار بیلن صحبت اوتکزیب ایتیشیچه، قویاش ۱۳۹۸- ییل دن بویان کرونا ویروسی باعث مهاجرلر ایش‌سیزلیکدن رنج ایلته‌دی. استانبول ۲۰ میلیون دن آرتیق جمعیت بیلن ایشچی ایسته‌یدیگن شهرلردن بیری دیر، بیراق جناب فاریابی گه کوره، حاضر بو شهر ده هم مهاجرلرگه ایش تاپیش کوپ قیین بولگن.
مذکور مهاجر قویاش ۱۳۹۵- ییل دن بویان ترکیه ده یشه‌یدی. اونینگ ایتیشیچه، اوتگن ییل‌لرده مهاجرلر هر نقطه‌ی نظردن تینچ ایکن و شونینگدیک ایش و کارلری هم یخشی ایکن، بیراق حاضر بیر تاماندن کرونا ویروسی و باشقه بیر تاماندن ایسه مهاجرلر سانی کوپه‌یشی، ایشچی‌لرنینگ حقوقی کمه‌یشی گه سبب بولگن.
ترکیه ده افغانستانلیک مهاجرلردن باشقه بیری سیدنورآغا موسوی نینگ هم شونگه اوخشش وضعیتی بار. اونینگ سلام‌وطندارگه ایتیشیچه: «کرونا کیلگنیدن بویان ایش و کار یوق. سابق ایش و کار یخشی ایدی، اهالی ایشلب و افغانستان گه پول یوباره‌دی ایدی.»
مهاجرلرگه کوره، بوندن آلدین ایشچیلر آیلیک معاش‌لری نی صرفه‌جویلیک قیلیب و هر آی افغانستان ده عایله‌لریگه بیر مقدار پول یوباره‌دی ایکن، بیراق کرونا ویروسی و ییگولیک ماده بهاسی یوقاری کیتگنی باعث بو ایش نی قیله آلمه‌یدیلر.
استانبول ده یشه‌یدیگن افغانستانلیک مهاجرلردن باشقه بیری حلیم تاندوغان نینگ ایتیشیچه: « کرونا ویروسی رواجلنگنیدن بویان ایش یوق و حیات کوپ قیین بولگن. کرونا ویروسی چیققنیدن کیین هم نیرسه قیین و قیمت بولگن. بیر ایشچی آیده کوپ ایش قیلسه ۳ مینگ لیره ایشله‌یدی کیم بو پول یالغیز آیلیک خره‌جتی نی کوتاره‌دی. کرونا دن آلدین بیر نان بیر لیره ایکن حاضر ایسه ایکی لیره بولگن.»
ترکیه ده مهاجرلر تشکیلاتی نینگ کیم‌لیگی نی قولگه کیلتیرمه‌گن مینگ‌لرچه افغانستانلیک مهاجر تقدیری بیللی بولمه‌گن بیر شکلده حیات کیچیره‌دی. مذکور مهاجرلر ایش‌سیزلیک و ییگولیک ماده بهاسی یوقاری کیتگنیدن شکایت قیلیشگن بیرحالده، اولر مهاجرلر تشکیلاتی یا ترکیه دولتی دن قانونی حجت‌لری بولمه‌گن بیر شکلده، ایرکین شکلده ایش قیله آلمه‌یدیلر.
اوشبو مهاجرلر افغانستان و ترکیه دولتی، یاردم بیرووچی نهادلر و مهاجرلر تشکیلاتی دن اولرنینگ تقدیری نی بیللی قیلیشی نی سوره‌شگن.
