ایران دن چیقاریلگن سرپرست‌‎سیز افغانستانلیک عیاللر،‌ باشقه ییگیت‌لردیک قاچاقچیلر و ایران پولیس‌لری نینگ زوروانلیک‌لریدن حکایت قیله‌دی.

مذکور عیاللردن قطاری نینگ ایتیش‌لریچه، تینچ حیات گه ایریشیش اوچون افغانستان ده اوز اوی و جای‌لرینی ترک قیلیب و ناقانونی مهاجرلیک آرقه‌لی ایران کیتگنلر؛ بیراق عکسینچه تشقی مملکت‌ده قیینچیلیکلر کوپه‌یگن.

حقارت، کلتکله‌نیش و قیین ایشلرنی بجریش، مذکور عیال دوچ کیلگن زوروانلیک‌لرنینگ بیر بولیمی دیر.

ینگی‌لیکده ۴ باله‌سی بیلن ایران ده قیتگن حبیبه نینگ ایتیشیچه، تورموش اورتاغی (اِیری) نی مخدره ماده گه چلینگنی باعث قولدن بیرگن.

اوشبو ۳۶ یاشر عیال بیر یریم ییل آلدین قاچاقچی‌لرنینگ سوزلریگه آلده‌نیب و باله‌لری نینگ یخشی کیله‌جگی اوچون ۴ باله‌سی و تورموش اورتاغی بیلن نیمروز چیگره‌سی آرقه‌لی ایران بارگن.

اونینگ ایتیشیچه، ۵ کون پیاده یول یورگندن کیین ایران ییتیشگن و تهران شهری اطرافیده‌گی بیر باغ گه ایش بیلن شغللنگن.

او یخشی و تینچ بیر حیات و شونینگدیک باله‌لری نینگ کیله‌جگی اوچون ناقانونی مهاجرلیک آرقه‌لی ایران بارگن،‌ بیراق او  ییرده بو ایشلرنینگ عکسینچه‌سی یوزبیرگن.

حبیبه آرزولریگه ییتیشمه‌ی و قیینچیلیک‌لری حل بولمه‌گنی گه علاوه، روحی کسل‌لیکلرگه چلینگن. او بو قیینچیلیک‌لرنینگ کتته دلیلی نی ایران پولیس‌لری نینگ زوروانلیک‌لری دیگن.

«بیزلرنینگ حقارت قیلیب و باله‌لریم نی کلتکله‌یدی ایدی. یمان خاطره‌لریم نی ایتماقچین بولسم کوپ دیر. مینینگ اوزیم گه هم روحی و عصبی قیینچیلیکلر تاپیلگن. نانوالیک نی صفیده تورگنیم‌ده کثیف افغانی دییدیلر. ایش اوستیگه هم شونده‌ی بیر قیینچیلیک‌لرگه دوچ کیله‌دی ایدیک و کسلخانه‌لرده بیزلرنینگ کسل‌لریمیز نی کیم‌سه تحویل آلمیدی.»

حبیبه بونچه حقارت‌لرنی چیده آلمه‌ی نهایتده بیر یریم ییل دن کیین قیته‌دن افغانستان قیتگن. او، افغانستان ده تینچلیک تأمین ایتیلیب و یشاوچیلر ناقانونی مهاجرلیک آرقه‌لی تشقی مملکت‌لرگه کیتیش گه زورلنمه‌سلیگی خصوصیده امیدوار دیر.

ایران پولیسی تامانیدن چیقاریلگن عیاللردن بیری زرغونه دیر. او بیر آی آلدین ۶ باله‌سی بیلن ناقانونی مهاجرلیک نینگ خوف و خطری نی قبول قیلیب و نیمروز چیگره‌سی آرقه‌لی ایران بارگن.

زرغونه ۶ باله‌سی و شونینگدیک افغانستان یشاوچی‌لری نینگ باشقه بیر قطاری بیلن تهران گه ییتیشگندن کیین، ایران پولیسی آرقه‌لی قولگه آلینیب و حبس قیلینگن.

مذکور عیال ۶ باله نی سرپرست‌لیک قیله‌دی و شونینگدیک او بیل آغریق کسل‌لیگی گه هم چلینگن. اونینگ ایتیشیچه، باله‌لری بیلن ۶ کونی ایران نینگ «بیرجن» اردوگاهی گه حبس بولگن و کوپینچه قیینچیلیکلر و زوروانلیکلرنی چیده‌گندن کیین قیته‌دن هرات نینگ اسلام‌قلعه چیگره‌سیده سورگون ایتیلگن.

شونینگدیک هرات حاکمی سوزلاوچیسی جیلانی فرهاد، ایران پولیسی نینگ زوروانلیکلری و ناتوغری یانده‌شیش‌لرینی تن آلیب ایتیشیچه، حکومت بو شکایت‌لرنی تیکشیره‌دی.

هرات مهاجرلر ریاستی باشلیغی احمدجاوید نادم نینگ سلام‌وطندارگه ایتیشیچه، جاری ییل باشلنگنیدن حاضرگچه ۳۳۰ مینگ دن آرتیق افغانستان یشاوچیسی اسلام‌قلعه چیگره‌سی آرقه‌لی مملکت گه کیرگن کیم بولردن ۶۸ مینگ ته‌سی ایران دن چیقاریلگن.

اونگه کوره، ایران دن قیتگن ۳۳۰ مینگ یشاوچی‌لردن ۱۶۸ مینگ ته‌سی عیاللر دیر و اولرنینگ باشقه ۴۰۰ ته‌سی باله‌لر دیر.

هرات ده ایران قنسولگرلیگی هر دایم اورغولب ایتیشیچه، پاسپورت‌سیز ایران گه کیرگن یشاوچیلری بو مملکت دن چیقاریلیشی ممکن.

خلق‌ارا مهاجرلیک تشکیلاتی (IOM) نینگ معلوماتی اساسیده، سونگی ۶ ییل ده ۳ افغانستانلیک یشاوچیسی‌دن بیری ناقانونی مهاجرلیک نی تجربه قیلگن. بولردن ایران ۴۸ فایز، پاکستان ۳۱ فایز، عربستان سعودی ۹ فایز بیلن و شونینگدیک آلمان و انگلستان مهاجرلر باره‌دیگن مملکت‌لر دیر.

کلیدی کلمه‌لر: // //

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام