اوتگن کون ترکیه جمهوررئیسی، بو مملکت چیت‌ایللیک کوچلر افغانستان نی ترک قیلگنیدن کیین، افغانستان ده تینچلیک نی تأمینله‌یدیگن یالغیز ایشانچلی مملکت دیدی.
شونینگدیک نیچه کون آلدین هم افغانستان دن چیت‌ایللیک کوچلرنینگ چیققنیدن کیین، کابل هواقونالغه‌سی نینگ خوفسیزلیک مسئولیتی بویینیگه آلیشدن خبر بیرگن ایدی، بیراق طالبان بو توغریده قرشی‌لیک بیلدیریب و ایتیشیچه، ترکیه ناتو نینگ عضوی دیر و افغانستان دن چیقیشی کیره‌ک.
بیراق حاضر سیاسی ایش بیلرمانلر، ترکیه نینگ افغانستان دن قالیشی خصوصیده ایتیشیچه، ترکیه افغانستان دن فایده‌لنیش بیلن، سیاسی مقصدلری نی تعقیب قیله‌دی.
بیزلرنینگ فیسبوک صحیفه‌میزگه هم باش اورینگ!
سیاسی ایش بیلرمان بسم‌الله رنجبر نینگ ایتیشیچه، نیچه پیتدن بویان ترکیه بیلن آمریکا نینگ علاقه‌سی ساووقلنگن و ترکیه افغانستان اوروش و تینچلیک موضوعی ده نقش اوینش بیلن بو علاقه نی قیته کوچلنتیریش نی ایسته‌یدی.
مذکور ایش بیلرمان گه کوره، ترکیه بو موقف بیلن اسلام دنیاسی و مرکزی آسیاده اوز نقشی نینگ کوچلنتیریش نی ایسته‌یدی.
عین حالده، سیاسی ایش بیلرمانلردن باشقه بیری طارق فرهادی نینگ ایتیشیچه، افغانستان توغریسیده رجب طیب اردغان نینگ بیاناتی کوپ قیین دیر و بو توغریده توغری قضاوت قیلیب بولمه‌یدی، بیراق آچیق‌لنگن موضوع بو دیر که ترکیه سیاسی مقصدلری نی تعقیب قیله‌دی.
بیزلرنینگ توییترده هم تعقیب قیلینگ!
جناب فرهادی نینگ کوپه‌یتیریشیچه، افغانستان ده قالگن صورتده، حربیلری نینگ سانی ۵۰۰ دن کوپه‌یشی کیره‌ک و ناتو اولرنینگ خره‌جتی نی توله‌شی کیره‌ک. طارق فرهادی نینگ ایشانچی گه کوره، ترکیه افغانستان دن فایده‌لنیش بیلن کتته موضوعلر خصوصیده ناتو و آمریکا بیلن معامله قیلیش نی ایسته‌یدی.
دونالد ترامپ نینگ حکومتی ده، واشنگتن بیلن انقره نینگ یخشی علاقه‌سی بار ایدی، بیراق جوبایدن نینگ جمهورلیک ریاستی ده بو علاقه ساووق‌لندی.
سونگی پیتده الجزیره بیر گزارش نشر قیلیش بیلن ایتیشیچه، بایدن نینگ دولتی سونگی هفته‌لرده ترکیه گه باسیم‌لرنی کوپه‌یتیرگن و مذکور ایکی مملکت حل ایتیلمه‌گن بعضی موضوعلر جمله‌دن روس مملکتی دن قورال ساتیب آلیش و سوریه ده ترکیه نینگ سیاستی خصوصیده قرشی کیلماقده‌لر.
