آمریکا میدیالری نینگ اوشبو مملکت حربی مقام‌لریدن نقل قیلیب ایتیش‌لریچه، آمریکا و ناتو کوچلری کمیده ۲۰ ییل‌دن سونگ، بگرام قرارگاهی‌نی بوشه‌تگن. اوشبو قرارگاه آمریکا نینگ افغانستانده‌گی بویوک مرکزلریدن بیری ایدی و حاضرده افغانستان حربی کوچلریگه تاپشیریلگن.
بگرام قرارگاهی نینگ بوشه‌تیلیش خبری ترقه‌تیلیشی چیت‌ایللیک حربی‌لرنینگ افغانستان‌نی ترک قیلیش زمانی یقین‌لنگنی‌نی کورسته‌دی.
چیت‌ایللیک کوچلرنی افغانستاندن چیقیشی یقین‌لنیشی بیلن ناتینچلیک و زوروانلیکلر شدت‌لنگن. ایتیلیشیچه، سونگی هفته‌لرده بیرقطار ولایت‌لرده امنیتی کوچلر و طالبان جنگریلری آره‌سیده شدت‌لی آتیشمه‌لر یوز بیرگن و نتیجه‌ده بیرقطار تومن‌لر طالبان قولی‌گه سقوط قیلگن.
فرانسه کونده‌لیگی، بگرام حربی مرکزی افغانستان‌لیکلرگه تاپشیریلگنی‌نی آمریکالیک بیر حربی دن نقل قیلیب تصدیق‌لگن. اوشبو مقام کیم‌لیگی سیرقالیش‌نی ایسته‌گن و بگرام هوایی مرکزی قچان افغانستان امنیتی کوچلریگه تاپشیریلیشی خصوصیده فکر بیلدیرمه‌گن.
عین‌حالده، اسوشیتدپرس نینگ آمریکا ایکی رسمی‌دن نقل قیلیب یازیشیچه، بگرام قرارگاهی افغانستان امنیتی کوچلریگه تاپشیریلگن. اوشبو رسمی‌لرنینگ کیم‌لیگی سیرقالیش‌نی ایستهب ایتیش‌لریچه، بو مسله رسانه‌یی بولیشی اوچون خصت بیریلمه‌گن.
شونینگدیک، افغانستان مدافعه وزیرلیگی دن بیرقطار منبع‌لرنینگ میدیالرگه ایتیش‌لریچه، بگرام قرارگاهی افغانستان امنیتی و دفاعی کوچلریگه تاپشیریلگن.
