جوبایدن آمریکا جمهور رئیسی صفتیده تنلنگنیدن کیین، طالبان گروهی ینگی بیر اعلامیه ترقه‌تیب، آمریکا و طالبان گروهی آره‌سیده امضالنگن کیلیشوونامه افغانستان اوروشی یکونله‌نیشی اوچون اونملی دیگن.
طالبان ترقتگن اعلامیه‌سیده، آمریکا جمهور رئیسی و کیله‌جک دولتی‌دن، اوز منفعت‌لرینی افغانستان اوروشی گه کوره‌دیگن حلقه‌لر، کیشیلر و اوروش ایسته‌یدیگن تامان‌لرگه توجه قیلیشی نی سوره‌گنلر.
طالبان ترقه‌تگن اعلامیه‌سیده، افغانستانده‌گی اوروشلرده منفعتی نی کوره‌دیگن بیر کیشی یا-ده گروه‌دن بیللی آت توتمه‌گن. لیکن سیاسی ایش‌بیلرمانلر نینگ ایتیش‌لریچه، طالبان آمریکا نینگ ینگی حکومتی، افغانستان اوروش‌لری اینیقسه دوحه شهریده دوام ایته‌دیگن تینچلیک مذاکره‌سی خصوصده فکری اوزگریشدن خواطر گه دیر.
حربی ایش بیلرمان اسدالله ندیم نینگ سلام‌وطندارگه ایتیشیچه، طالبان نینگ ینگی اعلامیه‌سی آمریکا اوچون بیر دیپلماتیک باسیم دیر. جناب ندیم گه کوره، آمریکا حکومتی نینگ رهبرلیگی‌گه اوزگریشی اوچون، قطر مرکزی دوحه شهریده دوام ایته‌دیگن تینچلیک مذاکره‌سی بیر نیچه پیت تعطیل بولیشی ممکن.
انه شوحالده جمهور رئیس ایکینچی اورین باسری محمد سرور دانش، اوتگن کونی آمریکا نینگ کیله‌جک حکومتیدن تینچلیک مذاکره‌سینی قیته‌دن کوریب چیقیشی‌نی سوره‌گن ایدی. لیکن آمریکا نینگ ینگی جمهور رئیسی جوبایدن افغانستان تینچلیک مذاکره‌سی خصوصده حاضرگچه فکر بیلدیرمه‌گن.
