مملکتده زوروانلیکلر کوپه‌یب و منطقه‌لردن قطاری طالبان نظارتی گه اوتگن بیرحالده، ملی مصالحه عالی کینگش باشلیغی نینگ ایتیشیچه، طالبان حربی یولدن افغانستان ده غالب چیقیش خصوصیده قیلگن سعی و حرکتی، مملکتده اوروش دوام تاپیشی گه سبب بولگن.
جناب عبدالله ارگ ده ملی مصالحه عالی کینگش رهبرلیک کمیته ییغینیده ایتیشیچه، طالبان نینگ چیت‌ایللیک کوچلر چیققنیدن کیین، مملکت نی نظارت گه آلیش توغریسیدگی محاسبه‌سی ناتوغری دیر.
اونینگ کوپه‌یتیریشیچه، حاضرگی شرایط ده افغانستان نینگ بقاسی خوف بیلن روپه‌رو بولگن و سیاسی بویوکلر بیر صفده امنیتی کوچلر و تیزیم دن حمایت قیلیش‌لری کیرک.
بیزلرنینگ فیسبوک صحیفه‌میزگه باش اورینگ!
ملی مصالحه عالی کینگش باشلیغی دوحه ده تینچلیک سوزلشوولری نینگ دوام تاپیشی گه اشاره قیلیب ایتیشیچه، دولت و طالبان گروهی نینگ مذاکره‌چی هیات‌لری نینگ تماس گروه‌لرینی بیربیراولری بیلن علاقه‌لری بار. اونگه کوره، بو سوزلشوولر آلغه کیتیشی اوچون قطر و بیرلشگن ملتلر تشکیلاتی نینگ واسطه‌چیلیگی نی دوامی بار.
شوندی بیر حالده، افغانستان جمهورلیک ریاست ایکینچی اورین باسری سرور دانش نینگ ایتیشیچه، طالبان نینگ سیاسی ییچیم یول و مشارکت گه ایشانچی یوق و اولر زور آرقه‌لی قدرت نی آلیش گه حرکت قیله دی.
جناب دانش نینگ ایتیشیچه، طالبان تینچلیک شعاری دن سوءاستعمال قیله‌دی. اونگه کوره، طالبان مذاکره میزی دن قاچیب و زوروانلیکلرنی کوپه‌یتیرگن و اولرنینگ سیاسی ییچیم یول گه هیچ ایشانچی یوق.
بیزلرنینگ توییترده هم تعقیب قیلینگ!
عین حالده، آمریکا مدافعه وزیرلیگی یا پنتاگون سوزلاوچیسی، طالبان آرقه‌لی زوروانلیکلر کوپه‌یتیریلگنیدن تنقیب قیلیب و بو گروه نینگ تینچلیک مذاکره میزی گه کیلیشی نی سوره‌گن.
شونده‌ی بیرحالده، افغانستان دن چیت‌ایللیک کوچلرنینگ چیقیش پروسه‌سی باشله‌نیشی بیلن، طالبان آرقه‌لی زوروانلیکلر کوپه‌یتیریلگن. اوتگن ایکی آیده اونلرچه تومن طالبان نظارتی گه اوتگن.
