ملی مصالحه عالی کینگش باشلیغی عبدالله عبدالله نینگ ایتیشیچه، طالبان زور بیلن افغانستان نی نظارت گه آلالمه‌یدی. او، واشنگن‌پست کونده‌لیگی بیلن صحبت اوتکزیب اورغولشیچه، طالبان حربی ییچیم یول نی ایسته‌گن صورتده، افغانستان تاریخی بو اوروش نی دوام تاپیشی نی کورستگن. جناب عبدالله نینگ امید بیلدیریشیچه، حربی ییچیم یول طالبان نینگ سناریوسی بولمه‌سی کیره‌ک.
ملی مصالحه عالی کینگش باشلیغی نینگ کوپه‌یتیریشیچه، طالبان گروهی آره‌سیده اَیریم گروه‌لر موجود که اولرحربی یول بیلن یوتوققه ایریشیش نی توشونه‌دی.
جناب عبدالله نینگ ایتیشیچه، گرچند طالبان رسمی شکلده بو موضوع نی بیان قیلمه‌گن، بیراق «بو اولرنینگ توشونچه‌سی دیر. اولر زوروانلیک‌لرنی کمه‌یتریش و القاعده بیلن علاقه‌لرنی کیسیش توغریسیده بیرگن وعده‌لریگه عمل قیلمه‌گن.»
بیزلرنینگ فیسبوک صحیفه‌میزگه هم باش اورینگ!
عبدالله نینگ ایتیشیچه، طالبان حاضرگچه تینچلیک سوزلشوولری گه جدی ایمس ایکن. اونینگ اورغولشیچه، حربی گزینه نی تنلش و افغانستان مذکور گروه نینگ نظارتی گه اوتیشی امکان‌سیز دیر.
- عبدالله: طالبان هیاتی نینگ بهانه قیلیشی سبب، سوزلشوولر کیین‌گه قالگن
- عبدالله: ترکیه ده افغانستان تینچلیک ییغینی بو مملکت اوچون کوپ اونملی دیر
- پدرام: عبدالله مسکو ده تینچلیک توغریسیده‌گی اونملی ییغین‌لرده قتنشمه‌گن
ملی مصالحه عالی کینگشی مذکور سوزلشووده ایتیشیچه، دنیا جماعه‌چیلیگی اینیقسه آمریکا قوشمه ایالاتی و باشقه مملکتلر، افغانستان تینچلیک سوزلشوولریدن حمایت قیلیش اوچون یوللرنی تاپیش گه سعی و حرکت قیلماقده.
جناب عبدالله نینگ ایتیشیچه، امنیتی و مدافعه کوچلر مملکت نینگ خوفسیزلیگی نی تأمین قیله آله‌دی، بیراق بو کوچلردن حمایت قیلیش دوام تاپیشی کیره‌ک.
اونینگ کوپه‌یتیریشیچه، آمریکا و ناتو گه اعضا مملکت‌لردن قطاری افغانستان امنیتی کوچلریدن حمایت قیلیش توغریسیده وعده بیرگن.
بیزلرنینگ توییترده هم تعقیب قیلینگ!
جناب عبدالله، افغانستان رهبرلری آره‌سیده بیرلیک نی امنیتی کوچلرنینگ روحیه‌سیگه تأثیرلی دیگن.
بوندن آلدین مملکت جمهوررئیسی محمداشرف غنی، افغانستان سقوط باسقیچی گه قرار تاپمه‌گن و امنیتی و مدافعه کوچلری مملکت‌لریدن ایرکین شکلده مدافعه قیله آله‌دی دیگن ایدی.
بونده‌ی بیاناتلر ارایه ایتیلگن بیرحالده، چیت‌ایللیک کوچلرنینگ افغانستان دن چیقیشی بیلن مملکت قطار بولیم‌لریده طالبان هجوم‌لری کوپه‌یگن و سونگی هفته‌لرده لغمان، بغلان و میدان‌وردک ولایت‌لریده ۴ تومن طالبان نظارتی گه اوتگن.
بیراق مدافعه وزیرلیگی نینگ ایتیشیچه، امنیتی کوچلر بو تومن‌لردن تکتیکی آرقه گه چیکیلگن.
