ملی مصالحه عالی کینگش باشلیغی عبدالله عبدالله، بوگون عیاللرنینگ بیر سیمناری گه قتنه‌شیب، تیچلیک پروسه‌سی خصوصیده‌گی خواطرلر و سوراق‌لرگه جواب بیردی.
جناب عبدالله نینگ ایتیشیچه، تینچلیک سوزلشوولریده عیاللرنینگ حقوقی افغانستان حکومتی اوچون اونملی دیر و بو حقده هیچ قنده‌ی معامله صورت تاپمه‌یدی. اونینگ ایتیشیچه، بیزلر دواملی و عزت‌لی تینچلیک نی ایسته‌یمیز و شونینگدیک اهالی هم آتیش کیسین نی ایسته‌یدی.
اونگه کوره، ناتو گه اعضا مملکتلرنینگ مدافعه وزیرلری کیله‌جک هفته بیر ییغین یولگه قوییش گه قرار قیلیشگن کیم بو ییغینده افغانستان حقیده بحث قیلینیشی ممکن.
ملی مصالحه عالی کینگش باشلیغی نینگ کوپه‌یتیریشیچه، دوحه‌ده‌گی افغانستان حکومتی نینگ هیأتی کوچلی دیر و اولر سوزلشوولرده افغانستان عیاللری نینگ حقوقی گه علاوه، برچه افغانستان اهالیسی نینگ حقوقی و یوتوق‌لریدن مدافعه قیله آله‌دی.
بونده‌ی بیانات ارایه ایتیلگن بیرحالده، سیاسی ایش بیلرمان‌لردن قطاری دولت هیأتی نینگ ظرفیتی‌دن تنقید قیلیشگن.
ایش بیلرمان‌لردن بیری فضل‌الرحمان اوریا نینگ ایتیشیچه، حکومت هیأتی نینگ کوچی و ظرفیتی بولگن بیرحالده، تینچلیک سوزلشوولری سیکین آلغه کیتمه‌س ایدی و طالبان هیأتی تینچلیک سوزلشوولریگه شرکت قیلیش اوچون قانیقتیریله‌دی ایدی.
حکومت مذاکره قیلووچی هیأت سوزلاوچیسی نادر نادری اوتگن کون قطرده ایتیشیچه، ایکی تامان ۹ کوندن بویان هیچ بیر ییغین یولگه قویمه‌گن و شونینگدیک اونینگ دلیلی طالبان نینگ شرکت قیلمه‌گنلیگی دیر.
بو حقده طالبان هیأتی نینگ فکرینی آلیش ایسته‌دیک، بیراق موفق بولمه‌دیک.
