شمالی اتلانتیک تشکیلاتی یا-ده ناتو، کابلده صورت تاپگن سونگی هجوملرینی تینچ اهالیگه قرشی جنایت عنوان قیلیب قارهلگن.
افغانستان بوییچه ناتو تشکیلاتی نینگ ملکی نمایندهسی استفانو پونتکوروو نینگ توییتر صحیفهسیده یازیشیچه، ناتو اوشبو هجومنی قارهلگنی چکهسیده، افغانستان امنیتی کوچلرینی تمویل و تجهیزلنتیریب و تعلیم بیرهدی.
اونینگ یازیشیچه: « کابل بیلیم یورتی اوستیگه اویوشتیریلگن هجوم دن سونگ، ناتو کوچلری واقعه یوز بیرگن محل نینگ خوفسیزلیگینی تامینلش اوچون افغانستان امنیتی کوچلریدن حمایت بیلدیرگن.»
اونینگ تینچلیک سوزلشوو توختهتیلیشی خصوصیده سلاموطندارگه ایتیشیچه، مذاکره قیلیووچی تامانلر جنجللرنی حل قیلیش و اوروش نی یکونلنتیریش اوچون صبر قیلیشلری کیرهک.
جناب پونتکوروو نینگ یازیشیچه: «افغانستان نینگ تینچلیک جریانی خطر بیلن روپهره بولگن، بیراق تینچلیک تامینلنیش اوچون بو یخشی فرصت. مین بوتون تامانلردن اوشبو تاریخی فرصت دن فایدهلنیش بیلن سعی و حرکت قیلیشلرینی ایستهیمن.»
اونینگ کوپهیتیریشیچه، کوپ قطار کیشیلر افغانستانده زوروانلیکلر کوپهیشیدن خواطر بیلدیرگن.
«مین خواطرلرینگیزنی شریک قیلهمن، آچیق ایتهمن زوروانلیک قابل قبول ایمس و توختهتیلیشی لازم. افغانستان تینچلیک جریانی تینچلیکنی تامینلش اوچون یخشی شانس دیر.»
ناتو نینگ ملکی نمایندهسیگه کوره، مملکتده زوروانلیک کوپهیشی، تینچلیک جریانینی خطر بیلن دوچ قیلگن. اونینگ ایتیشیچه، طالبان گروهی زوروانلیکلرنی کمهیتیریب و آتیشکیسینگه قول تاپیش اوچون سعی و حرکت قیلیشی کیرهک.