جمهورلیک ریاستی نینگ اعلام قیلیشیچه، اوتگن کون (یک‌شنبه ۵- دلو) جمهوررئیس محمداشرف غنی و ملی مصالحه عالی کینگش باشلیغی عبدالله عبدالله ارگ ده اوچره‌شگن.
بوگون جمهورلیک ریاستی تامانیدن ترقه‌تیلگن خبرنامه‌ده کیلیشیچه، بو اوچره‌شووده ایکی تامان تینچلیک پروسه‌سی و منطقوی موضوعلر خصوصیده سوزلشگن. شونینگدیک مذکور اوچره‌شووده جمهورلیک ریاستی نینگ اورین‌باسرلری و ملی خوفسیزلیک کینگش مصلحتچیسی حمدالله محب موجود ایکن.
ارگ نینگ خبرنامه‌سی اساسیده، غنی و عبدالله مملکتده زوروانلیکلر میزانی کوپه‌یگنیدن خواطر بیلدیریب و دایمی آتیش کیسین اوستیگه اورغولشگن.
غنی و عبدالله اوچره‌شگن بیرحالده، قطرده افغانستانلیکلرارا سوزلشوولرنینگ ایکینچی دوری سیکین آلغه کیتماقده. نیچه کوندن بویان دولت و طالبان گروهی نینگ مذاکره قیلووچی هیأتی ییغین‌لری حقیده گزارش بیرمه‌گن. دولت نینگ مذاکره قیلووچی هیأتی دن قطاری نینگ ایتیش‌لریچه، طالبان مذاکره قیلیش گه هیچ قیزیقمه‌گن.
