آمریکا و طالبان آره‌سیده ۱ یریم ییل سوزلشوو صورت تاپگنیدن سونگ، ۱۳۹۸- ییل ۱۰ حوت‌ده ایکی تامان آره‌سیده تینچلیک شرطنامه امضا ایتیلدی.
زوروانلیکلر کمه‌یتیریلیشی و افغانستانده تینچلیک کیلتیریش اوشبو شرطنامه نینگ مقصدلریدن بیری ایدی. لیکن قطر ده افغانستان‌لیکلر ارا سوزلشوولر باشلنگنیدن بویان، افغانستانده ناتینچلیک، زوروانلیک، هدفلی ترورلر کوپه‌یگن.
خلق ارا ایش بیلرمانلریدن بیری حمید عزیزی نینگ ایتیشیچه، دوحه‌ده آمریکا و طالبان آره‌سیده تینچلیک شرطنامه امضا ایتیلگنیدن سونگ، آمریکا کوپراق و طالبان نسبی شکلده اوشبو شرطنامه دن فایده‌لنگن. اونینگ کوپه‌یتیریشیچه، افغانستان دولتی ضعیف قرار قیلگنی سبب، اوشبو شرطنامه‌دن زیان کورگن.
شونینگدیک، جمهورلیک ریاستی نینگ سابق مصلحتچی‌سی طارق فرهادی نینگ ایتیشیچه، طالبان گروهی اوشبو شرطنامه‌دن سونگ، جهانی بیر گروه عنوانیده تانیلگن و اونینگ چیککه‌سیده قماقخانه‌ده بولگن ۵ مینگ عضوی آزاد ایتیلگن.
جناب فرهادی‌گه کوره، افغانستان حکومتی نینگ رهبرلری تینچلیک جریانی نتیجه بیریشی‌نی قدرت‌لری زیانی‌گه کوره‌دی و انه‌شو سبب، سبوتاژ قیلیش‌نی ایسته‌یدی.
عین‌حالده، تینچلیک جریانی بوییچه دولت وزیری سیدسعادت منصور نادری نینگ کابلده اوتکزیلگن ییغینده ایتیشیچه، اوشبو شرطنامه افغانستان اوچون فایده‌لی بولمه‌گن و افغانستان بوییچه زوروانلیک و اوروش رقمی کمه‌یگن ایمس.
آمریکا و طالبان گروهی آره‌سیده امضا ایتیلگن شرطنامه‌دن بیر ییل اوتیشی بیلن، طالبان گروهی نینگ بیر اعلامیه آرقه‌لی ایتیشیچه، اوشبو شرطنامه افغانستانده ثبات و تینچلیک تامین‌لنیشی اوچون عملی یول ایجاد قیلگن.
اعلامیه‌ده ایتیلیشیچه، بو شرطنامه بدیلی‌گه هرقنده‌ی سعی و حرکت شکست بیلن دوچ کیله‌ریدی.
