افغانستان حکومتی مذاکره قیلووچی هیأتی نینگ عضوی فوزیه کوفی کابلده «تینچلیک مذاکره‌سی جریانینی تیکشیریش، حقیقت‌لر، قیین‌چیلیک‌لر و فرصت‌لر» آتیده بیر خبری ییغین اوتکزیب ایتیشیچه، افغانستانلیکلر آره‌سیده تینچلیک مذاکره باشلنگنیدن نیچه آی اوتیشی بیلن هم تینچلیک جریانی حقیده سیاسی بیرلیک‌نی انیقلش تعریف بولمه‌گن. خانم کوفی گه کوره، اوشبو روند یوتوققه ایریشیش اوچون عمومی شکلده اصول و ارزش‌لر توغریسیده کیلیشیش کیره‌ک.
مذاکره قیلووچی هیأت نینگ اوشبو عضوی‌گه کوره، تینچلیک مذاکره‌سی نینگ ایکینچی دوریده کوپینچه مهم مسله‌لر توغریسیده بحث ایتیله‌دی، لیک تینچلیک مذاکره‌سی نینگ ایکینچی دورینی آلغه آلیب باریش اوچون سیاسی حمایت لازم.
خانم کوفی نینگ کوپه‌یتیریشیچه، اگرده افغانستان حکومتی تینچلیک مذاکره‌سی یوتوققه ایریشیش اوچون سیاسی کیلیشووگه قول تاپمه‌گن حالده، افغانستان حکومتی تامانیدن مذاکره قیله‌دیگن هیأت‌لر تینچلیک مذاکره‌سی نینگ ایکینچی دوریده جمهوریت نظامدن دفاع قیله‌آلمسلیک‌لری ممکن.
مذاکره قیلووچی هیأت‌لر، اولکه‌ده سیاسی اجماع بولمه‌گنی اوستیگه تأکید ایتیب و افغانستان حکومتی بیلن طالبان گروهی تینچلیک مذاکره‌سی نتیجه‌گه ایریشیش اوچون جدی صورتده تلاش قیلمس‌لیکلردن خواطرده بولگن‌لر.
خلق ارا رابطه‌لر ایش بیلرمانلریدن بولمیش فرامرز تمنا نینگ ایتیشیچه، تینچلیک مذاکره‌سی آلغه آلیب باره‌دیگن تامانلر تینچلیک روندی نتیجه‌گه ایریشیشده جدی بولمه‌گنلر و ایکی تامان هم اوز ایستکلری اوچون تلاش قیله‌دیلر.
جناب تمنا نینگ ایتیشیچه، قطار کیشی‌لر افغانستان تینچلیک مذاکره‌سینی قیین‌چیلیک بیلن دوچ کیلتیرگنلر، اونینگ ایتیشیچه، افغانستان حکومتی و طالبان گروهی قبالی‌ده آمریکا نینگ اونملی نقشی بولگن.
جناب تمنا نینگ کوپه‌یتیریشیچه، تینچلیک مذاکره‌سی نینگ ایکینچی دوری نینگ باشیده، افغانستان حکومتی، جوبایدن و زلمی خلیلزاد بولگن حالده، تینچلیک روندی قانیقرلی شکلده آلغه باره‌مه یدی.
اوشبو برنامه گه قتنشگن قطار کیشی‌لر، اولکه نینگ جاری وضعیتی دن خواطر بیلدیریب، اگرده حکومت تینچ لیک تامین بولیشی خصوصده تلاش قیلمه گن حالده، تینچلیک تامین بولیش فرصتی قولدن کیتیشی ممکن دیگنلر.
تینچ لیک مذاکره سی بوندن تورت آی آلدین قطر اولکه سی نینگ باشکینتی دوحه شهریده باشلنیب و قوس آیی نینگ ۲۰- کونی ۲۰ کون بوییچه توخته تیلدی، و ایکینچی دوری جدی آیی نینگ ۱۶ کونی قیته دن باشله نیشی ممکن.
