آمریکا مرکزی قومندانلیگی قومندانی کنت مکنزی نینگ کابل‌گه قیلگن سفریده خبرچی‌لر بیلن اوچره‌شیب ایتیشیچه، آمریکا افغانستان امنیتی کوچلریدن حمایت قیلیش مقصد ده طالبان‌گه قرشی هوایی هجوم‌لرنی کوپه‌یتیرگن و طالبان نینگ هجومی دوام قیلگن صورتده، آمریکا هم اولرگه قرشی هجوم‌لریگه دوام بیره‌دی.
سلام‌وطندار اوزبیک بولیمی‌نی فیسبوک‌ده تعقیب قیلینگ
آمریکا اوشبو ییریک حربی مقامی نینگ ایتیشیچه، طالبان گروهی هجوم‌لرینی کوپه‌یتیریش بیلن امنیتی کوچلرنی مجبور قیلیش‌نی ایسته‌دی، لیکن خطا قیله‌دیلر.
جناب مکنزی، آمریکا حربی‌لرینی افغانستاندن چیقیش جریانی باشلنمسدن آلدین، چیت‌ایللیک حربی‌لر افغانستاندن چیقگنیدن سونگ، اوشبو مملکت امنیتی کوچلرینی هوایی حمایت‌گه نیازی بولگنینی بیلدیرگن ایدی.
طالبان گروهی، چیت‌ایللیک کوچلرنینگ افغانستاندن چیقیش جریانی باشلنگنیدن سونگ، هجوم‌لرینی شدت‌لنتیریب و کوپ‌قطار تومن‌لرنی تصرف قیلگن.
سلام‌وطندار اوزبیک بولیمی‌نی فیسبوک‌ده تعقیب قیلینگ
شونینگدیک، اوتگن “یکشنبه” آمریکا مدافعه وزیری لوید آستین، افغانستان اردوسی طالبان نظارتی‌گه اوتگن منطقه‌لرنی قیته‌دن تصرف قیلیش اورنیده طالبان نینگ پیشرولیگی‌گه توسیق بولیشی کیره‌ک دیگن ایدی.
اونینگ ایتیشیچه، افغانستان اردوسی ولایت‌لرنینگ مرکزلریده سنگرلرینی کوچلی قیلماقده و قولدن کیتگن منطقه‌لرنی قیته‌دن تصرف قیلیش ظرفیت و کوچی‌گه ایگه دیر.
