بوگون “پنجشنبه” طالبان سیاسی دفتری عضوی شهابالدین دلاور نینگ کابلده اوتکزیلگن بیر ییغینده ایتیشیچه، آمریکا افغانستاندهگی پایگاهلرینی سقلهشینی ایستهگن ایدی؛ لیکن اولر رخصت بیرمهگن. اونینگ ایتیشیچه، افغانستانده «اشغالچیلر» اوچون جای یوق دیر.
جناب دلاور نینگ کوپهیتیریشیچه، چیتایللیکلر افغانستان نی ایکینچی سوریه گه اوزگریلیشیدن خواطرگه ایدیلر، لیکن طالبان چیتایللیکلرنینگ اوشبو نقشهسینی نابود قیلگن.
طالبان سیاسی دفتری نینگ اوشبو عضوی گه کوره، بو گروه و آمریکا آرهسیده صورت تاپگن تینچلیک کیلیشونامهده آمریکا افغانستاندهگی پایگاهلرینی سقلهنیشینی ایستهگن، لیکن بو ایستک طالبان گروهی تامانیدن رد ایتیلگن.
جناب دلاور نینگ تاکید قیلیشیچه، افغانستانده «اشغالچیلر» اوچون جای یوق و اشغالچیلرگه قرشی اوز توپراقلریدن دفاع قیلهدیلر.
عینحالده، شهابالدین دلاور نینگ کوپهیتیریشیچه، چیتایللیکلر افغانستاننی تجزیه قیلیش اوچون کینگ شکلده سعی و حرکت قیلیب و اوشبو مملکتنی ایچکی اوروش تامان آلیب باریشنی ایستهگنلر. اونینگ ایتیشیچه، طالبان گروهی چیتایللیکلر و اشغالچیلر برنامهلرینی نابود قیلیب و افغانستاننی تجزیه ایتیلیشدن قوتقرگنلر.