بوگون “شنبه” ننگرهار ولایتی نینگ شیرزاد تومنیده امنیتی کوچلر قرارگاهی موترگه یوکلنگن پارتلش ماده آرقه‌لی، هجوم آستیگه قرار بیریلگن.
کیم‌لیگی سیرقالیش‌نی ایسته‌گن امنیتی بیر منبع نینگ سلام‌وطندارگه ایتیشیچه، اوشبو هجوم نتیجه‌سیده امنیتی کوچلردن ۱۴ ته‌سی هلاک و باشقه ۴ ته‌سی یره‌لنگن.
منبع گه کوره، مذکور پوسته شیرزاد تومنی نینگ گندمک منطقهسیده جایلشگن ایکن. ایتیلیشیچه، امنیتی کوچلرنینگ قرارگاهی کامل صورتده نابود ایتیلگن.
عین‌حالده، ننگرهار ولایتی کینگش اورین باسری اجمل عمرنینگ اوشبو هجوم‌نی تصدیق‌لب ایتیشیچه، طالبان تامانیدن پارتلش ماده جایلشتیریلگن هاموی بیر تانک مقصد ده ییتیشمسدن آلدین شیرزاد تومنیده جایلشگن امنیتی کوچلر تامانیدن کشف و ضبط ایتیلگن.
طالبان گروهی حاضرگه‌قدر بوتوغریده فکر بیلدیرمه‌گن.
شیرزاد، ننگرهار ولایتی نینگ ناتینچ تومن‌لریدن بیری دیر و اوشبو تومن نینگ کوپ قطار منطقه‌لری طالبان تامانیدن اداره ایتیله‌دی.
