ننگرهار ولایت مقامی نینگ مطبوعاتی دفترینی اعلان قیلیشیچه، اوشبو ولایت مرکزیده جاده چیککهسیده جایلشتیریلگن ماین نینگ پارتلگنی نتیجهسیده 2 پولیس هلاک و باشقه 3 پولیس یرهلنگن.
بوگون “دوشنبه” ننگرهار ولایت مقامی نینگ مطبوعاتی دفترینی اعلان قیلیشیچه، پولیس بیر رنجری جلالآباد شهری نینگ 4- ناحیهسیده جایلشگن «سبزی مارکیتی» یقینیده جاده چیککهسیده جایلشتیریلگن ماین بیلن دوچ کیلگن.
ننگرهار مطبوعاتی دفتریگه کوره، اوشبو پارتلشده چپرهار تومنیگه تیگیشلی محلی پولیس کوچلریدن 2 تهسی هلاک و باشقه 2 تهسی یرهلنگن.
اوشبو ولایت مطبوعاتی دفتری نینگ ایتیشیچه، محل ده جایلشتیریلگن ایکینچی ماین پولیس تامانیدن کشف و بیکار قیلینگن.
حاضرگهقدر هیچبیر گروه یا-ده کیشی بو واقعه مسوولیتینی بوینیگه آلمهگن.
