ننگرهار حاکمی دفتری مذکور ولایت بوییچه داعش گروهی حاکمی هدایت‌الله نینگ هلاک ایتیلگنیدن خبر بیرگن.
ننگرهار حاکمی دفتری تامانیدن ترقه‌تیلگن خبرنامه‌ده کیلیشیچه، داعش گروهی نینگ اوشبو اونملی اعضاسی اوتگن کیچه (پنج‌شنبه ۱۳- قوس) ملی خوفسیزلیک خاص کوچلری تامانیدن مذکور ولایت چپرهار تومنی نینگ «للمه» قیشلاغیده یولگه قوییلگن بیر عملیات نتیجه‌سیده هلاک ایتیلگن.
خبرنامه‌ده کیلیشیچه، شونینگدیک داعش نینگ بو اعضاسی خودکش هجوم واسکت‌لری نینگ توزه‌تیش مسئولی ایکن و مذکور گروه جنگریلری گه واسکت توزه‌تیش و ماین ییرلشتیریش نی تعلیمات بیره‌دی ایکن.
مذکور خبرنامه اساسیده، جلال‌آباد شهری نینگ «بیز اکمالاتی» منطقه‌سیده یولگه قوییلگن باشقه بیر عملیاتده، قاری تمیم گه تانیقلی قاری عبدالرحمان ناملی داعش گروهی نینگ بیر تانیقلی قومندانی هلاک ایتیلگن.
شونده‌ی بیرحالده، نیچه پیت آلدین امنیتی کوچلر مملکت شرقیده داعش گروهی نینگ یاشیرین جایلرینی نابود بولگنیدن خبر بیرگن ایدی.
