کابل و ننگرهار محلی مسووللری نینگ ایتیشلریچه، اوشبو ایکی ولایتده یوز بیرگن پارتلش نتیجهسیده ۲ کیشی هلاک و باشقه ۴ کیشی یرهلنگن.
ننگرهار مطبوعاتی دفتری نینگ اعلان قیلیشیچه، جلالآباد شهریده جاده چیککهسیده جایلشتیریلگن ماین نینگ پارتلشی سبب، بیر کیشی هلاک و باشقه ۲ کیشی یرهلنگن.
ننگرهار ولایت مقامی نینگ مطبوعاتی دفتری تامانیدن بیریلگن معلوماتلرگه کوره، اوشبو واقعه جلالآباد شهری نینگ «باغ زنانه» یقینیده عامهنی سقلش کوچلری نینگ بیر رنجر موتری جاده چیککهسیده جایلشتیریلگن ماین بیلن دوچ کیلگنی سبب، یوز بیرگن.
اوشبو واقعهده بیر تینچ اهالی هلاک و عامهنی سقلش کوچلریدن ایکی تهسی یرهلنگن.
ایتیلیشیچه، بوگون “پنجشنبه” ایرتهدن چاغیده کابل ده یوز بیرگن پارتلشده هم بیر کیشی هلاک و ایکی کیشی یرهلنگن.
کابل پولیس قومندانلیگی سوزلاوچیسی فردوس فرامرز نینگ ایتیشیچه، بوگون “پنجشنبه” ایرتهلب ساعت ۸:۱۵ ده کابل شهری نینگ چهلستون منطقهسیده بیر کرولا موتر جاده چیککهسیده جایلشتیریلگن ماین بیلن دوچ کیلگن.
کابل پولیس قومندانلیگی سوزلاوچیسیگه کوره، اوشبو پارتلش نتیجهسیده بیر کیشی هلاک و باشقه ۲ تینچ اهالی یرهلنیب کسلخانهگه انتقال بیریلگن.
حاضرگهقدر هیچ کیشی یا-ده گروه بو واقعه مسوولیتینی بوینیگه آلمهگن.