کابل شهری‌ده برق کم‌لیگی، صناعتی ایشخانهلر نی جدی قیینچیلیک بیلن روپه‌ره قیلگن. افغانستان صناعتچیلر اویوشمه‌سی مسئوللری برق نینگ دواملی پرچوی‌لریدن خواطر بیلدیریب ایتیشلریچه، کابل شهری‌ده صناعتی ایشخانهلر نینگ ایشلب چیقریش میزانی، اوتگن ایکی آی‌ده برق کم‌لیگی سبب، ۴۰ فایز کمه‌یگن.
افغانستان صناعتچیلر اویوشمه‌سی باشلیغی عبدالجبار صافی نینگ سلام‌وطندار گه ایتیشیچه، ایکی آی‌دن بیری کابل شهری‌ده صناعتی ایشخانهلر نینگ منظم و دواملی برقی یوق و بو موضوع اولر نینگ ایشلب چیقریش میزانی کمه‌یشی گه سبب بولگن.
اونینگ کوپه‌یتیریشیچه: «برق خصوصیده قیین‌چیلیکلر کوپ دیر. اوتگن ییل‌لرده صناعتی پارک‌لرده ۲۴ ساعت برقی‌میز بار ایدی؛ بیراق حاضر ایسه یوق. انه شوو سبب، ایشخانهلر ایشلب چیقریشلری نی کمه‌یتیرگنلر و نرمال شکلده فعالیتلری یوق. بو وضعیت مارکت‌ده ایشخانهلر اورین‌لری نینگ قولدن بیریشلری گه سبب بوله‌دی.»
بیزلرنینگ فیسبوک صحیفه‌میزگه باش اورینگ!
باشقه بیر تامان‌دن، کابل شهری نینگ صناعتی پارک‌لریده صناعتی ایش‌خانه‌لردن قطاری مسئوللری برق کم‌لیگی‌دن شکایت قیلیب ایتیشلریچه، برق کم‌لیگی اولر نینگ ایشلری نی قیینچیلیک بیلن روپه‌ره قیلگن.
«خالد یونس اتحاد ستیل مل» ایش‌خانه ایگه‌سی شمال‌خان مخلص نینگ ایتیشیچه، نیچه مدت‌دن بویان برق کم‌لیگی سبب، ایش‌خانه‌سی نینگ ایشلب چیقریش میزانی یریم گه توشگن.
اونینگ کوپه‌یتیریشیچه: «گرچند برق کم‌لیگی اوتگن ییل‌لر هم بار ایدی؛ بیراق حاضر ایسه مصرفی‌میز یوقاری کیتگن و ایشلب چیقریشلریمیز هم قیمت توشه‌دی. خساره و تاوان گه روپه‌ره‌میز و دوام تاپگنی صورت‌ده، فعالیتی‌میز صفر گه توشیشی ممکن که بو بویوک اقتصادی زیان دیر.»
ایچیم‌لیک‌لر ایشلب چیقریش بولیمی‌ده ایش قیله‌دیگن «امید بهار» ایشلب چیقریش ایش‌خانه مسئولی رفیع‌الله احمد‌یار نینگ ایتیشیچه، شرکتی نینگ درآمدی‌دن بیر بولیمی نی نیازی بولگن برق نینگ یره‌تیش اوچون مصرف قیله‌دی.
اونینگ کوپه‌یتیریشیچه: «برق صناعتی شرکت‌لر اوچون اینگ اساسی عنصر دیر. برق کم‌لیگی‌ده مصرفی‌میز ۱۰۰-۵۰۰ گه کوپه‌یگن. بازار نی سقلش گه مجبورمیز. جنراتور‌دن قوللنیش گه مجبورمیز که بو صرف-خره‌جتی‌میز نی کوپه‌یتیره‌دی و بیر صناعت‌چی اوچون اونینگ پوره‌قیلیش قیین دیر.»
صنعتی ایش‌خانه‌لرده مسئوللر، افغانستان برق ییتکزیش شرکتی‌دن (برشنا)، تیزلیککه اوشبو قیینچیلیک نی حل و مذکور ایشخانهلر گه نیاز بولگن برق نینگ یره‌تیلیشی نی ایسته‌گنلر.
پل‌چرخی صناعتی پارک‌لرده ایشلب چیقاریش ایش‌خانه‌لردن بیری نینگ مسئولی عبدالرحمان جمعه‌زی نینگ ایتیشیچه: «بو قیینچیلیک نینگ حل قیلینیشی نینگ کوتیب تورگن‌میز. هر قنچه تیزلیک بیلن حل بولسه، اوشنچه صناعتی فابریکه‌لر گه فایده‌سی بار؛ چونکه تولیدی فاریکه‌لر برققه تیگیشلی و ایشلری و صناعت رواجلنیشی اوچون، دواملی برق گه نیازی‌میز بار.»
افغانستان برق ییتکزیش شرکتی (برشنا) مسئوللری، کابل شهری‌ده صناعتی ایش‌خانه‌لرده برق کم‌لیگی نی قبول قیلیب و ایتیشلریچه، کابل شهری‌ده برق ایشلب چیقریش منبع‌لر کم‌لیگی و قوروق‌چیلیک سبب، اوشبو شرکت یالغیز ۱۳ ساعت برق نی صناعتی ایشخانهلر اختیاری گه قرار بیره‌دی.
بیزلرنینگ توییترده هم تعقیب قیلینگ!
برشنا سوزلاوچیسی حکمت‌الله میوندی نینگ ایتیشیچه: «اوتگن ییل‌لر صناعتی شرکت‌لر گه ۲۴ ساعت برق بیردیک؛ لیکن حاضر ایسه ۱۳ ساعت برقلری بار؛ چونکه اوتگن ییل‌لر کبی برق نرمال ایمس. ینه هم اوشبو قیینچیلیک حلی اوچون سعی و حرکت قیله‌میز. بو قیینچیلیک تورکمنستان دن ۵۰۰ کیلوولت برق پروژه‌سی نینگ عمل گه آشیریلیشی بیلن حل بولینیشی ممکن؛ بیراق زمان گه نیاز بار.»
صناعتی ایشخانهلر مسئوللری گه کوره، ایکی آی‌دن بیری بیر کیچه و کوندوزده ۱۲ ساعت برقلری بار که بو مقدار، صناعتی ایشخانهلر نیازلری نی حل قیله آلمه‌یدی.
افغانستان صناعتچیلر اویوشمه‌سی آماری اساسیده، پل‌چرخی صناعتی پارک‌لری، محمدی صناعتی پارکی، ده‌سبز صناعتی پارکی و ارغندی صناعتی پارکی و کابل نینگ باشقه بولیم‌لریده ۱۱۰۰ صناعتی ایش‌خانه نینگ فعالیتی بار.
