منبع‌لر نینگ ایتیش‌لریچه، بوگون بیر داکتر کابل شهری نینگ «پشتونستان» تورت‌یولیده اسلامی امارت کوچلری تامانیدن اوققه توتیلگنی نتیجه‌سیده، یره‌لنگن.
منبع‌لر گه کوره، مذکور ولی‌محمد ولی ناملی داکتر بوگون شام چاغی ایشی‌دن اویی تامان حرکت قیلگن ایکن که اسلامی امارت کوچلری تامانیدن اوققه توتیلگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، کابل امنیه قومندانلیگی سوزلاوچیسی خالد زدران نینگ سلام‌وطندار گه ایتیشیچه، بوگون ایرتنگ چاغی ساعت ۷ اطرافیده، بیر موتر نینگ هیداوچیسی «پشتونستان» تورت‌یولی یقینلیگیده چک‌پاینت‌‌لردن بیریده، امنیتی کوچلر گه توجه قیلمه‌ی و موتری نی توخته‌تمه‌گن و خوفسیزلیک کوچلری ایسه ایکی اوق اوشبو موتر گه آتگنلر.
کابل امنیه قومندانلیگی سوزلاوچیسی نینگ کوپه‌یتیریشیچه، اسلامی امارت کوچلری نینگ اوق آتگنلری نتیجه‌سیده، موتر هیداوچیسی داکتر ولی‌محمد یره‌لنگن.
بیزلرنینگ توییترده هم تعقیب قیلینگ!
شونده‌ی بیرحالده، بوندن آلدین هم کابل و ولایت‌لردن قطاری‌ده اسلامی امارت کوچلری چک‌پاینت‌لرده، نقلیه واسطه‌لر نینگ هیداوچیلری نی اوققه توتگن که نتیجه‌ده، بیر قطار کیشی هلاک و یره‌لنگن.
