کابل بلدیه مسئوللری مذکور شهرده نهال ایکیش کمپاینی نینگ باشلنگنیدن خبر بیرگنلر. اوشبو نهاد سوزلاوچیسی نعمت‌الله بارکزی نینگ ایتیشیچه، مذکور کمپاین بوگون باشلنگن و بیر آیگچه کابل شهری نینگ تورلی منطقه‌لریده دوام قیلیشی ممکن.
کابل بلدیه سوزلاوچیسی نینگ کوپه‌یتیریشیچه، اوشبو کمپاین‌ده کمیده ۲۰۰ مینگ نهال نینگ ایکیلیشی گه قرار آلینگن. اونگه کوره، اهالی نینگ حمایتی بیلن اوشبو رقم نی کوپه‌یشی ممکن.
نعمت‌الله بارکزی نینگ ایتیشیچه: «۱-حوت‌ده باشلنگن بوگونکی کمپاین، کابل شهریده ییشیللیک مسله‌سی نی جدی آلیشی‌میز اوچون یول گه قویلدی. حوت آیی نینگ اداغیگچه امکانی بولگونگه قدر نهال ایکیشی‌میز ممکن.»
شونده‌ی بیرحالده، کابل بلدیه معینی عصمت‌الله عاصم، نهال ایکیش کمپاینی نینگ آچیلیش مراسمی‌ده یشاوچیلردن ییشیللیک ایجاد قیلیش و هوا دغلیگی نینگ نابود بولیشی اوچون هر بیر کیشی‌دن بیر نهال ایکیشی نی سوره‌گن.
جناب عاصم نینگ اورغولشیچه، پایتخت یشاوچیلردن ییش محیط وضعیتی نینگ یخشی‌لنیشی و ییشیل منطقه‌لردن سقلش اوچون سعی و حرکت قیلیش‌لری نی سوره‌گن. اونینگ ایتیشیچه: «حداقل بیر بیر‌دانه نهال ایکیش بیزلرنینگ وظیفه‌میز دیر که بو یول آرقه‌لی یشاوچی‌لیک مسئولیتی‌میز نی انجام بیریشیمیز ممکن.»
کابل بلدیه مسئوللری نینگ کوپه‌یتیریش‌لریچه، گرچند پایتخت‌‌‌ده ۲۰۰ مینگ نهال نینگ ایکیلیشی از دیر؛ بیراق سوداگرلر شونینگ‌دیک باشقه ۱۰ مینگ نهال نی اوشبو نهاد گه یاردم بیریشلری خصوصیده سوز بیرگن.
