کابل-قندهار قتناو یولیدهگی یولاوچیلر و هیداوچیلردن قطاری نینگ ایتیش‌لریچه، اوشبو قتناو یول نینگ بوزوق‌لیگی سبب، سفر و کسل‌لری نینگ کسل‌خانه گه انتقال بیریلیشی پیتده، دایم قیین‌چیلیک‌لر بیلن روپه‌ره بولگنلر.
کابل-قندهار قتناو یولیگی‌ده‌گی یولاوچیلردن بیری نورالرحمان نینگ سلام‌وطندار گه ایتیشیچه: «قندهار ولایتی گه سفریمیز بار ایدی و یول‌ده کوپینچه قیین‌چیلیک‌لر بیلن روپه‌ره بولدیک؛ چونکه سرک‌لر بوزوق ایدی. بو قتناو یول، کوپینچه ولایت‌لر نی بیر بیری گه باغله‌گن بیر یول دیر. مذکور سرک نینگ قیته توزه‌تیلیشی کیره‌ک، بو سرک نینگ قیته توزه‌تیلیشی نی ایسته‌یمیز.»
بیزلرنینگ توییترده هم تعقیب قیلینگ!
شونینگدیک زابل-قندهار قتناو یولیدهگی هیداوچیلردن باشقه بیری حضرت‌الله یول نینگ بوزوق‌لیگی‌دن شکایت قیلیب و ایتیشیچه: «سرک‌لر بوزوق دیر. اوشبو آز گینه یول آلتی یا-ده ییتی جای‌ده خامه دیر. اوتگن ییل‌لرده قلات‌دن قندهار یولی نی اوچ ساعت‌ده کیزه‌ر ایدیک؛ بیراق حاضر ایسه اوشبو یول نینگ کیزیشی آلتی ساعت وقت آله‌دی.»
بو توغریده عامه فواید وزیرلیگی نینگ فکری نی آلیش ایسته‌دیک؛ بیراق اولر بو توغریده صحبت قیلمه‌دیلر.
بیزلرنینگ فیسبوک صحیفه‌میزگه باش اورینگ!
عین حالده، زابل عامه فواید رئیسی احمد احمدی نینگ ایتیشیچه، بیر قطار منطقه قلات-قندهار سرکی نینگ قیته قوریش ایشی باشلنگن که، اونینگ بیتیشی بیلن، اهالی قیین‌چیلیگی‌دن بیر مقداری کمه‌یشی ممکن. اونگه کوره، قریب ۱۷۹ کیلومتر سرک و ییتی بویوک کوپریک شامل کابل-قندهار قتناو یولی نینگ بیر بولیمی نی قیته قوریش ایشی، ایکی ییل‌گچه زمان آلیشی ممکن.
شونده‌ی بیرحالده، کابل-قندهار قتناو یولی گه علاوه، مملکت نینگ باشقه بیر قطار قتناو یول‌لری نینگ قیته قوریلیش گه نیازی بار.
