ایکینچیلیک، سوغاریش و چارواچیلیک وزیرلیگی نینگ ایتیشیچه، کیلگوسی کوکلم موسومیده، اولکه بویلب نهال ایکیش اوچون بویوک کمپاین یولگه قوییلیشی ممکن. ایکینچیلیک، سوغاریش و چارواچیلیک وزیرلیگی نینگ سرپرستی مولوی عبدالرحمان راشد، اوشبو مناسبت بیلن اوتکزیلگن مراسمده ایتیشیچه، بو وزیرلیک ۲۵.۵ میلیون نهال‌نی ایکیش اوچون تیارله‌گن.
ایکینچیلیک، سوغاریش و چارواچیلیک وزیرلیگی نینگ سرپرستی گه کوره، ایکیش اوچون میوه‌لی، میوه‌سیز و زینتی نهال‌لر اولکه بویلب ایکیلیشی کوتیله‌دی.
بیزلرنینگ فیسبوک صحیفه‌میزگه باش اورینگ!
او نینگ کوپیتیریشیچه: «نهال ایکیش کمپاینی ایسیق ولایت لرده رسمی روشده باشلنگن، توپلم صورتده ۲۵.۵ میلیون میوه‌لی و میوه‌سیز نهال کیلگوسی کولکم موسومیده ایکیلیشی کوتیله‌دی. اولردن ۶.۲ میلیونی ایکینچیلیک وزیرلیگی تامانیدن یاردم آله‌دیگن قوریه‌دارلر سهمی دیر، ۱۴.۴ میلیونی قوریه‌دارلر اویوشمه‌سی سهمی دیر و ۴.۴ میلیونی خصوصی مؤسسه‌لر گه اختصاص بیریلگن.»
باشقه تاماندن، ایکینچیلیک و چارواچیلیک وزیرلیگی سرپرستی نینگ اورغولشیچه، کیله‌سی ییل‌ده مملکت نینگ تورلی ولایت‌لریده ۴مینگ ۸۴۰ جریب ایکینچیلیک ییرده خرما، آلمه، قیزیلچه، انار و گیلاس ایکیش‌نی نظرگه آلگن‌لر.
بیزلرنینگ توییترده هم تعقیب قیلینگ!
ایکینیچلیک، سوغاریش و چارواچیلیک وزیرلیگی نینگ ایتیشیچه، نهال ایکیش هوا تازه‌لیگی، یشش محیط‌نی سقلش، کوکلم‌لیک، طبیعت گوزه‌للیگی اوچون اهمیت‌گه سزاوار، شونی اوچون مملکت یشاوچیلری ایکیلگن نهاللرنی اسره‌ش و یشش محیط‌نی تمیز سقلش‌ده دولت بیلن همکارلیک قیلیش‌لری کیره‌ک.
عین‌حالده هر ییلی کوکلم موسومی باشله‌نیشی بیلن مملکت نینگ تورلی بورچک لریده کوپ نهال ایکیله‌دی، بیراق کوپ اوتمسدن قطار نهال‌لر مسئوللر نینگ دقت سیزلیگی باعث قوریدی.
