کابل امنیه قوماندانلیگی مسئوللری بوگون یولگه قوییلگن بیر کنفرانس‌ده ایتگنلر که، اوتگن بیر ییل جریانیده کابل ده امنیت یخشی‌لنیب و قتل واقعه‌لری مکمل شکلده توخته‌تیلگن دیر.
کابل امنیه قوماندانلیگی اورین‌باسری موسی‌جان ابراهیم نینگ ایتیشیچه، کابل ده قتل و ترور واقعه‌لردن مکمل شکلده توسیق بولگنلر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «بوتون کابل ده الحمد‌الله قتل ایشیک‌لری نی باغله‌گن‌میز. بیر مسلمان هم اولدیریلمه‌یدی. بو بویوک بیر نعمت دیر که کوپینچه منت‌دارلیک ایسته‌یدی. امارت نینگ قالیشی اوچون دعا قیلیش بیزلر و سیزلر گه واجب دیر.»
نیچه مدت آلدین کابل ده اَیری ایکی واقعه‌ده سردارولی ثاقب اسم‌لی دین عالم بیلن انورالحق جبارخیل ناملی بیر داکتلر سِرلی شکلده اولدیریلگنی بیرحالده، او اوشبو بیانات نی مطرح قیلگن.
باشقه بیر تامان‌دن، کابل پولیس قوماندانلیگی سوزلاوچیسی خالد زدران نینگ ایتیشیچه، اوتگن بیر ییل‌ده ۳۲۵۵ گه ییقین کیشی تورلی جرم‌لر گه قول‌لری بارلیگی گه عیب‌لنیب قولگه آلینگلر.
بیزلرنینگ توییترده هم تعقیب قیلینگ!
اونگه کوره، مذکور مدت‌ده، مینگ‌لرچه کیلوگرام مخدره ماده، شراب، قورال و شونینگدیک نقلیه واسطه‌لر نی کشف و ضبط قیلگنلر.
