آمریکا مدافعه وزیری لوید آستین، افغانستان ده اوروش و زوروانلیک یکونله‌نیشی و سیاسی بیر کیلیشووگه قول تاپیش اوچون خلقارا باسیم نی سوره‌گن.
آمریکا مدافعه وزیری نینگ ایتیشیچه، بوتون دنیا بو باسیم نینگ دوامی اوچون یاردم بیره آله‌دی. او، اوشبو خلقارا باسیم نینگ قنده‌یلیگی توغریسیده تفصیلات بیرمه‌گن.
لوید آستین بونده‌ی بیانات بیرگن بیرحالده، طالبان هجومی و زوروانلیک‌لری کوپه‌یشی بیلن آمریکالیک حربی‌لریدن کمیده ۹۰ فایزی افغانستاندن چیققن.
بیزلرنینگ فیسبوک صحیفه‌میزگه باش اورینگ!
آمریکا، افغانستان امنیتی کوچلریگه یاردم بیریش و افغانستان ده ملکی حضور و انسان‌دوستلیک یاردم‌لر دوام تاپیشی توغریسیده وعده بیرگن. شونده‌ی بیرحالده، پنج‌شنبه کونی آمریکا مدافعه وزیرلیگی، افغانستان هوایی کوچلریگه اوچاق و فنی و لوژستیکی یاردم‌لر فراهم ایتیشی نی اعلام قیلدی.
بوندن آلدین آمریکا افغانستان گه ۴۵ هلیکوپتر و ۷ «ای۲۹» تیک اوچر یاردم بیریشی نی اعلام قیلگن ایدی. پنج‌شنبه کونی آمریکا مدافعه وزیرلیگی سوزلاوچیسی خبری بیر ییغین آرقه‌لی، افغانستان امنیتی کوچلری زمانوی قوراللر بیلن جهازلنگنی نی بیلدیردی.
اونگه کوره، افغانستان هوایی کوچلری تعلیمات کورگن و کوچلی دیر و خوفسیزلیک نی تأمین‌لش اوچون ییترلی حربی گه ایگه دیر.
آمریکا مدافعه وزیرلیگی نینگ اورغولشیچه، اوشبو مملکت ترورچیلیک آمریکا گه کیچیک بیر تهدید ایجاد قیلمه‌سی توغریسیده ایشانچ قولگه کیلتیریش اوچون افغانستان نی نظر آستیده آله‌دی.
جان کربی نینگ ایتیشیچه، ترورچیلیک تهدیدی گه قرشی کوره‌ش اوچون خاورمیانه‌ده آمریکا مدافعه وزیرلیگی نینگ ییترلیچه حربی و امکانیتی بار.
