بوگون «دولت نینگ ملت گه حساب بیریش» برنامه‌سی نینگ دوامی‌ده، عدلیه وزیرلیگی مسئوللری بیر ییغین آرقه‌لی بیر ییل‌لیک ایشلری و یوتوقلری نی رسانه‌لر بیلن شریک قیلگنلر.
مذکور ییغین‌ده عدلیه وزیرلیگی معینی شیخ‌عبدالکریم حیدر نینگ ایتیشیچه، اولر افغانستان ده سیاسی حزب‌لر نینگ فعالیت‌لری گه نیازلری یوق.
بیزلرنینگ فیسبوک صحیفه‌میزگه باش اورینگ!
اونینگ ایشانچی گه کوره، افغانستان ده سیاسی حزب‌لر نینگ فعالیتی، افغانستان نینگ منطقه‌لر و تورلی تیل‌لر گه تقسیم قیلیش معناسی گه دیر.
شونده‌ی بیرحالده، افغانستان اسلامی ملی جنیش حزب سوزلاوچیسی احسان نیرو نینگ سلام‌وطندار گه ایتیشیچه، اسلامی امارت مشروعیت گه تانیلمه‌گن و افغانستان اساسی قانونی گه کوره، مملکت‌دن سیاسی حزب‌لر نی حذف قیله‌آلمه‌یدی.
جناب نیرو نینگ ایتیشیچه، جنبش حزبی اوشبو بیانات گه اعتبار بیرمه‌ی و اوز فعالیت‌لری نی دوام بیریشی ممکن.
نیرو نینگ ایشانچی گه کوره، اسلامی امارت عدلیه وزیرلیگی معینی نینگ سوزلری افغانستان ده سیاسی حزب‌لر فعالیتی گه هیچ تاثیر قیلمه‌یشی ممکن.
بیزلرنینگ توییترده هم تعقیب قیلینگ!
باشقه بیر تاماندن، ریسپوبلیکه‌چی حزب حزب سوزلاوچیسی شاه‌محمود میا‌خیل نینگ سلام‌وطندار گه ایتیشیچه، اسلامی امارت یالغیز سیاسی حزب‌لر گه مخالف ایمس؛ بلکیم افغانستان ده‌گی بوتون انسانی ارزش‌لر گه قرشی دیر.
اونینگ ایشانچی گه کوره، اسلامی امارت قدرت نی آلیش بیلن افغانستان ده یالغیز‌لیک نی ایسته‌یدی. اونینگ کوپه‌یتیریشیچه، اسلامی امارت قدرت گه قالیشی اوچون اوتمیش تجربه‌لردن درس آلیشی کیره‌ک.
شونده‌ی بیرحالده، اسلامی امارت بوندن آلدین عدلیه وزیرلیگی‌ده سیاسی حزب‌لر انسجام ریاستی نی منحل قیلیب، اوشبو ریاست ایشلاوچیلریدن برچه‌سی نی ایشدن چیقرگن ایدی.
